ପାରଳାଖେମୁଣ୍ଡି ( ବିପ୍ଲବୀ ପରିକ୍ରମା ):- ଆଜି କାଳବୈଶାଖୀର ପ୍ରଭାବରେ ପ୍ରବଳ ଗତିରେ ପବନ ବହିବା ସହ ପ୍ରାୟ ଏକ ଘଣ୍ଟା କାଳ ବର୍ଷା ହୋଇଯାଇଛି | ଫଳରେ, ସହରର ବିଭିନ୍ନ ସ୍ଥାନରେ ଗଛ ଭାଙ୍ଗି ପଡ଼ିଥିବା ବେଳେ ସ୍ଥାନେ ସ୍ଥାନେ ବିଦ୍ୟୁତ ତାର ଛିଣ୍ଡି ପଡ଼ିଛି | ବର୍ଷାର ପ୍ରଭାବରେ କେରାଣ୍ଡି ପଞ୍ଚାୟତର ଇନ୍ଦିରା ନଗର ଠାରେ ଥିବା ଅର୍ଜୁନ ମାଝୀଙ୍କ ଘରଛପର ଉଡ଼ିଯାଇଛି | ସେ ଏବଂ ତାଙ୍କ ପରିବାର ବର୍ଗ ଅଳ୍ପକେ ବର୍ତ୍ତୀ ଯାଇଥିବା ପ୍ରକାଶ କରିଛନ୍ତି । ଏପଟେ, କାଳବୈଶାଖୀ ପ୍ରଭାବରେ ବିଦ୍ୟୁତ ସରବରାହ ବନ୍ଦ ରଖିଥିବା ବେଳେ ବିଳମ୍ବିତ ରାତି ପର୍ଯ୍ୟନ୍ତ ବିଦ୍ୟୁତ ପୁନଃସଂଯୋଗ ହୋଇଥିବା ଜଣାପଡ଼ିଛି । ଘଟଣା ସ୍ଥଳରେ ଅଗ୍ନିଶମ ବିଭାଗ କର୍ମଚାରୀ ମାନେ ପହଞ୍ଚି ରାସ୍ତା ଉପରେ ଭାଙ୍ଗି ପଡ଼ିଥିବା ଗଛଗୁଡ଼ିକୁ ହଟାଇ ଚଳାଚଳ ସୁଗମ କରୁଥିବା ଦେଖାଯାଇଛି।