ପାତ୍ରପୁର ( ବିପ୍ଲବୀ ପରିକ୍ରମା ):- ପାତ୍ରପୁର ବ୍ଳକ ଖାରିଆଗୁଡ଼ା ଗ୍ରାମର ଶିକ୍ଷକ ପ୍ରଦୀପ କୁମାର ସାହୁ ଙ୍କ ଏକ ସଡ଼କ ଦୁର୍ଘଟଣା ରେ ମୃତ୍ୟୁ ଘଟି ଥିବା ବେଳେ ପୁଅ ପ୍ରତୀକ ଆହତ ହୋଇ ଥିବା ଜଣା ପଡିଛି।ଆଜି ପ୍ରଦୀପ ତାଙ୍କ ପୁଅ ସହିତ ବ୍ରହ୍ମପୁର ରୁ ଫେରୁଥିବା ବେଳେ ଚିକିଟି ପିତତଳି ନିକଟରେ ଏକ ବସ ତାଙ୍କୁ ଧକ୍କା ଦେଇ ଥିଲା।ସ୍ଥାନୀୟ ଲୋକମାନେ ଆମ୍ବୁଲାନ୍ସ ଯୋଗେ ଚିକିଟି ଡାକ୍ତର ଖାନା କୁ ନେଇ ଥିବା ବେଳେ ଡାକ୍ତର ପ୍ରଦୀପ ଙ୍କ ମୃତ୍ୟୁ ଘୋଷଣା କରିଥିଲେ। ପୁଅ ପ୍ରତୀକ ଏବେ ଡାକ୍ତର ଖାନାରେ ଚିକିତ୍ସିତ ହେଉଛନ୍ତି। ସି ଆର ସି ସି ଭାବେ କାର୍ଯ୍ୟ କରି ଗତ କିଛି ଦିନ ତଳେ ଦାଇତ୍ୱ ସରିବା ପରେ ଗ୍ରାମ ବିଦ୍ୟାଳୟ ରେ ଶିକ୍ଷକ ଭାବେ କାର୍ଯ୍ୟ କରିଥିଲେ।ପୁଅ ଗୁଣପୁର ରେ ବି ଫାର୍ମା ପଢୁଥିବା ବେଳେ ଦୁର୍ଗାପୂଜା ଛୁଟିରେ ଗ୍ରାମକୁ ଆସି ଥିବା ବେଳେ ଦୁହେଁ କୌଣସି କାର୍ଯ୍ୟ ପାଇଁ ବ୍ରହ୍ମପୁର ଯାଇ ଫେରୁଥିବା ବେଳେ ଏହି ଅଘଟଣ ଘଟିଥିବା ବେଳେ ପୋଲିସ ଡାକ୍ତର ଖାନାରେ ପହଞ୍ଚି ଥିବା ଜଣା ପଡିଛି।ପ୍ରଦୀପ ଙ୍କ ବିୟୋଗ ରେ ପାତ୍ରପୁର ଅଞ୍ଚଳର ବିଭିନ୍ନ ମହଲରେ ଗଭୀର ଶୋକ ପ୍ରକାଶ ପାଇଛି।