ଜଗନ୍ନାଥପ୍ରସାଦ ( ବିପ୍ଲବୀ ପରିକ୍ରମା ଡିଜିଟାଲ ):- ଜଗନ୍ନାଥପ୍ରସାଦ ବ୍ଲକ ପଞ୍ଚଭୁତି ଗ୍ରାମ ମୁଖ୍ୟ ରାସ୍ତାକଡରେ ଥିବା ଉତ୍କଳ ଗ୍ରାମୀଣ ବ୍ୟାଙ୍କରେ, ଅଗ୍ନିକାଣ୍ଡ ଘଟି ବ୍ୟାପକ କ୍ଷୟକ୍ଷତି ହୋଇଛି । ବ୍ୟାଙ୍କ ବନ୍ଦ ଥିବା ସମୟରେ, ରାତିରେ ଅଗ୍ନିକାଣ୍ଡ ଘଟିଥିଲା । ସ୍ଥାନୀୟ ଲୋକେ, ବ୍ୟାଙ୍କ ମ୍ୟାନେଜରଙ୍କୁ ଖବର ଦେଇଥିଲେ । ଘଟଣା ସ୍ଥଳରୁ ଅଗ୍ନିଶମ ବାହିନୀ ପହଞ୍ଚି ନିଆଁ ଲିଭାଇଥିଲେ । ବିଭିନ୍ନ ଯନ୍ତ୍ରାଂଶ, କମ୍ପ୍ୟୁଟର ଏବଂ ଆସବାବପତ୍ର ପୋଡ଼ି ଯାଇଥିବା ବେଳେ ଟଙ୍କା ଏବଂ ସମସ୍ତ କାଗଜପତ୍ର ସୁରକ୍ଷିତ ଥିବା କୁହାଯାଉଛି । ତେବେ ସଟସର୍କିଟ୍ ଯୋଗୁଁ ବ୍ୟାଙ୍କ୍ ଭିତରେ ଅଗ୍ନିକାଣ୍ଡ ଘଟିଥିବା, ପ୍ରାଥମିକ ଆକଳନ ପ୍ରକାରେ ଅନୁମାନ କରାଯାଉଛି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ କରିବା ସହ ବ୍ୟାଙ୍କ୍ କର୍ମଚାରୀ ଏବଂ ସ୍ଥାନୀୟ ଲୋକଙ୍କୁ ପଚରାଉଚରା କରୁଛି ।