ତାମଡା ଘାଟିରେ ସରକାରୀ ବସ୍ ଦୁର୍ଘଟଣା, ୩୦ରୁ ଉର୍ଦ୍ଧ୍ବ ଯାତ୍ରୀ ଆହତ
ସୁନ୍ଦରଗଡ଼ ( ବିପ୍ଲବୀ ପରିକ୍ରମା ):- ସୁନ୍ଦରଗଡ ଜିଲ୍ଲା ବଣେଇ ଉପଖଣ୍ଡ ଅନ୍ତର୍ଗତ ତାମଡ଼ା ଘାଟିରେ ଆଜି ସକାଳ ପ୍ରାୟ ୭ଟା ବେଳେ ଏକ ସରକାରୀ ବସ ଦୁର୍ଘଟଣା ଗ୍ରସ୍ତ ହୋଇ ପ୍ରାୟ ୩୦ରୁ ଉର୍ଦ୍ଧ୍ବ ଯାତ୍ରୀ ଆହତ ହୋଇଥିବା ବେଳେ କିଛି ଗୁରୁତର ହୋଇଥିବା ଜଣା ପଡିଛି। ସୂଚନାନୁସାରେ ଉକ୍ତ ବସ ଯାତ୍ରୀଙ୍କୁ ନେଇ ରାଉରକେଲା ଅଭିମୁଖେ ଯାଉଥିବା ବେଳେ ତାହା ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ବଡ ପଥରରେ ବାଡେଇ ହୋଇଥିଲା।
ଦୁର୍ଘଟଣା ପରେ ଆହତ ଯାତ୍ରୀଙ୍କୁ ଗୁରୁଣ୍ଡିଆ ଚିକିତ୍ସାଳୟକୁ ନିଆଯାଇଥିବା ବେଳେ ଗୁରୁତରଙ୍କୁ ରାଉରକେଲା ମେଡିକାଲ ପଠା ଯାଇଛି। ଗୁରୁଣ୍ଡିଆ ପୋଲିସ ଘଟଣା ସ୍ଥଳରେ ପହଞ୍ଚି ବସକୁ ଜବତ କରିବା ସହ ତଦନ୍ତ ଜାରି ରଖିଥିବା ସୂଚନା ରହିଛି ।