(ବ୍ରହ୍ମପୁର);ଚର୍ଚ୍ଚାରେ ବ୍ରହ୍ମପୁର ସରକାରୀ ଆଇ.ଟି.ଆଇର ଛାତ୍ରଛାତ୍ରୀ । ଅଲ୍ ଇଣ୍ଡିଆ ଟ୍ରେଡ ଟେଷ୍ଟ ରେ ଟପ୍ପର ହୋଇ ସୁନାମ ଆଣିଛନ୍ତି , କେନ୍ଦ୍ର ସରକାରଙ୍କ କୌଶଳ ଦୀକ୍ଷାନ୍ତ ସମାରୋହରେ ହୋଇଛନ୍ତି ସମ୍ମାନିତ । ଦ୍ଵିବାର୍ଷିକ ଅଲ୍ ଇଣ୍ଡିଆ ଟ୍ରେଡ ଟେଷ୍ଟରେ ଟପ୍ପର ହୋଇଥିବା ବ୍ରହ୍ମପୁର ଆଇଟିଆଇ ଥୀ-ଡି ପ୍ରିଣ୍ଟିଂ ଟ୍ରେଡର ଅନୁରାଗ ମାଇକେଲ୍ ଏବଂ ଇଲେକ୍ଟ୍ରୋନିକ୍ ମେକାନିକ୍ ଟ୍ରେଡ୍ର ପି. କୁମାରୀଙ୍କୁ କେନ୍ଦ୍ର ସରକାରଙ୍କ କୌଶଳ ଦୀକ୍ଷାନ୍ତ ସମାରୋହରେ ସମ୍ମାନିତ କରାଯାଇଛି। କେନ୍ଦ୍ର ପକ୍ଷତା ବିକାଶ ମନ୍ତ୍ରଣାଳୟ ଦ୍ବାରା ଆୟୋଜିତ ସମାରୋହରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଉଭୟଙ୍କୁ ସମ୍ମାନିକ କରିଥିଲେ। ତାଙ୍କ ସହ ବିଭାଗୀୟ ସଚିବ ଓ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ। ସର୍ବଭାରତୀୟ ସ୍ତରରେ ଟପ୍ପର ହୋଇଥିବା ଅନୁରାଗ ଓ ପି. କୁମାରୀ ରାଜ୍ୟ ତଥା ବ୍ରହ୍ମପୁର ପାଇଁ ଗୌରବ ଆଣିଥିବା କହିଛନ୍ତି ଆଇଟିଆଇ ଅଧ୍ୟକ୍ଷ ଡ. ରଜତ କୁମାର ପାଣିଗ୍ରାହୀ । ଅନ୍ୟପଟେ ଆଇଟିଆଇ ଅଡିଟୋରିୟମ୍ରେ ଏହି ଦୀକ୍ଷାନ୍ତ ସମାରୋହର ସିଧାପ୍ରସାରଣକୁ ହଜାରେରୁ ଅଧିକ ଛାତ୍ରଛାତ୍ରୀ ଦେଖି ବହୁତ ଉତ୍ସାହିତ ଥିବାବେଳେ ପ୍ରେରଣା ପାଇଥିବା ଦେଖିବାକୁ ମିଳିଛି ।