ବ୍ରହ୍ମପୁର ( ବିପ୍ଲବୀ ପରିକ୍ରମା ):- ପ୍ରଧାନମନ୍ତ୍ରୀ ନରେନ୍ଦ୍ରମୋଦିଙ୍କ ଆହ୍ୱାନ କ୍ରମେ ବ୍ରହ୍ମପୁର ମହାନଗର ନିଗମ ପକ୍ଷରୁ ହର ଘର ତ୍ରିରଙ୍ଗା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଗାନ୍ଧୀ ନଗର ଛକ ଠାରୁ ଏକ ବିଶାଳ ଶୋଭାଯାତ୍ରା ବାହାରି ଥିଲା।ପ୍ରଥମେ ଗାନ୍ଧୀ ନଗର ଛକ ଠାରେ ଥିବା ମହାତ୍ମା ଗାନ୍ଧୀ ପ୍ରତିମୂର୍ତ୍ତିରେ ବ୍ରହ୍ମପୁର ସାଂସଦ ପ୍ରଦୀପ ପାଣିଗ୍ରାହୀ, ବ୍ରହ୍ମପୁର ବିଧାୟକ କେ. ଅନିଲ କୁମାର, ବ୍ରହ୍ମପୁର ମେୟର ସଂଘ ମିତ୍ରା ଦଳାଇ, ଡେପୁଟି ମେୟର ଇ. ବିବେକ ରେଡି ପ୍ରମୁଖ ପୁଷ୍ପ ମାଲ୍ୟା ଅର୍ପଣ କରିଥିଲେ।
ଏହି ଶୋଭାଯାତ୍ରା ଗାନ୍ଧୀ ନଗର ଛକ ଠାରୁ କଂଗ୍ରେସ ଅଫିସ ଛକ, ପିଭିଏନ ରାଓ ପେଟ୍ରୋଲ ପମ୍ପ ଛକ ଦେଇ ଖୋଲ୍ଲିକୋଟ କଲେଜ ନିକଟ ରେ ପହଞ୍ଚି ଥିଲା।. ଏହି ଶୋଭାଯାତ୍ରାରେ ମହାନଗର ନିଗମର ବହୁ କର୍ମଚାରୀ, ସ୍କୁଲ ଛାତ୍ର ଛାତ୍ରୀ ଙ୍କ ସମେତ ମହାନଗର ନିଗମର ଉଚପଦସ୍ତ ଅଧିକାରୀ ମାନେ ଯୋଗ ଦେଇଥିଲେ।