ଗଜପତି ( ବିପ୍ଲବୀ ପରିକ୍ରମା ):- ଗଜପତି ଜିଲ୍ଲା କାଶୀନଗର ବ୍ଲକ ଅନ୍ତର୍ଗତ କିଡିଗାଁ ପଞ୍ଚାୟତରେ ବିଜୁ ଜନତା ଦଳର ଘରେ ଘରେ ଶଙ୍ଖ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ପାରଳାଖେମୁଣ୍ଡି ନିର୍ବାଚନ ମଣ୍ଡଳୀର ପର୍ଯ୍ୟବେକ୍ଷକ ଶଶିଭୂଷଣ ମହାନ୍ତିଙ୍କ ଉପସ୍ଥିତିରେ କାର୍ଯ୍ୟକ୍ରମର ଆରମ୍ଭ ହୋଇଥିବା ବେଳେ ବ୍ଲକ ଅଧ୍ୟକ୍ଷା ବି.ସାୟାମ୍ମା, ଜିଲ୍ଲା ପରିଷଦ ସଭ୍ୟା ଆର. ରାଜ୍ୟଲକ୍ଷ୍ମୀ, ବିଜେଡ଼ି ବ୍ଲକ ସଭାପତି ଅଖିଳ ପାତ୍ର, ଜିଲ୍ଲା ଉପସଭାପତି ଆର.ସତୀଶ, ସରପଞ୍ଚ ଆର. ରଜିନି, ସମିତି ବି. ଶ୍ରୀଧର, ନାଏବ ସରପଞ୍ଚ ପି.ତିରୁପତି ଓ ସମସ୍ତ ବିଜୁ ଜନତା ଦଳର ସମସ୍ତ କର୍ମୀ, ସ୍ଥାନୀୟ ଜନସାଧାରଣଙ୍କ ଉପସ୍ଥିତିରେ ସମସ୍ତ ଘରେ ଘରେ ଶଙ୍ଖ ଚିହ୍ନ ଛପା ଯାଇଥିଲା।
ଏହା ସହ ରାଜ୍ୟ ସରକାର ତଥା ମାନ୍ୟବର ମୁଖ୍ୟମନ୍ତ୍ରୀଙ୍କ ସମସ୍ତ ଲୋକାଭିମୁଖୀ ଯୋଜନା ର କାର୍ଯ୍ୟକାରିତା ସମ୍ପର୍କରେ ଲୋକଙ୍କୁ ସଚେତନ କରାଇଥିଲେ । ଏହି ଅବସରରେ ମୁଖ୍ୟମନ୍ତ୍ରୀଙ୍କ ମଧୁବାବୁ ପେନସନ ଯୋଜନାରେ ବୃଦ୍ଧି କରା ଯାଇଥିବା ଭତ୍ତାକୁ ନେଇ ଜନସାଧାରଣଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ଏ ନେଇ ମୁଖ୍ୟମନ୍ତ୍ରୀଙ୍କୁ ପଞ୍ଚାୟତର ସମସ୍ତ ଜନସାଧାରଣ ଧନ୍ୟବାଦ୍ ଅର୍ପଣ କରିଥିଲେ l