ସୋନପୁର ( ବିପ୍ଲବୀ ପରିକ୍ରମା ):- ସୋନପୁର ପୋଲିସକୁ ବଡ ସଫଳତା । କଣ୍ଟେନର ସହିତ ୩ କୁଇଣ୍ଟାଲ୍ ୭୫ କେଜି ଗଞ୍ଜେଇ ଜବତ । ମଧ୍ୟପ୍ରଦେଶ ରାଜ୍ୟର ୨ ଅଭିଯୁକ୍ତ ଗିରଫ । ବୌଦ୍ଧ ଜିଲ୍ଲା କଣ୍ଟାମାଳ ଅଞ୍ଚଳରୁ ବାହାର ରାଜ୍ୟକୁ ଯାଉଥିଲା ଗଞ୍ଜେଇ । ସାମ୍ବାଦିକ ସମ୍ମିଳନୀରେ ସୂଚନା ଦେଲା ସୋନପୁର ପୋଲିସ । ପୋଲିସ ସୂଚନା ଅନୁସାରେ ଗତକାଲି ଏକ ବିଶ୍ବସ୍ତ ସୂତ୍ରରୁ ଖବର ପାଇ ସୋନପୁର ପୋଲିସ ସ୍ଥାନୀୟ କୁଞ୍ଜ ଛକ ଠାରୁ ବ୍ଲକ ଛକ ପର୍ଯ୍ୟନ୍ତ ଟ୍ରାକିଂ କରିଥିଲା ।
ଏହି ସମୟରେ ଏକ କଣ୍ଟେନର ଲୁହା ଛଡ଼ ନେଇ ଯାଉଥିବାବେଳେ ତାକୁ ଜିଲ୍ଲାପାଳ ଅଫିସ୍ ଆଗରେ ପୋଲିସ ପକ୍ଷରୁ ତନଖି କରାଯାଇଥିଲା । ତେବେ କଣ୍ଟେନର୍ ଭିତରେ ୧୫ ବସ୍ତା ଗଞ୍ଜେଇ ଥିବା ଜାଣିବାକୁ ପାଇଥିଲା ପୋଲିସ । ସୋନପୁର ପୋଲିସ ଉକ୍ତ କଣ୍ଟେନର କୁ ଜବତ୍ କରିବା ସହିତ ଗାଡ଼ି ଚାଳକ ଓ ଆଉ ଜଣେ ବ୍ୟକ୍ତିକୁ ଗିରଫ କରିଛି ପୋଲିସ। ଗିରଫ ବ୍ୟକ୍ତିମାନେ ହେଲେ ମଧ୍ୟପ୍ରଦେଶ ରାଜ୍ୟର ବିନୋଦ ମାଂଝୀ ଓ ବିଜୟ ଗାଭ୍ଲେ। ଉଭୟଙ୍କୁ ଆଜି କୋର୍ଟ ଚାଲାଣ କରାଯିବା ନେଇ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି ଜିଲ୍ଲା ଆରକ୍ଷୀ ଅଧିକ୍ଷକ।