ରାୟଗଡ଼ ( ବିପ୍ଲବୀ ପରିକ୍ରମା ):- ଦୀର୍ଘବର୍ଷର ପାଣି ସମସ୍ୟା ଆଜି ପଦାକୁ ଆସିଛି ଗଜପତି ଜିଲ୍ଲା ରାୟଗଡ଼ ବ୍ଲକ ସଦର ମହକୁମାରେ ଶୁଦ୍ଧ ପାନୀୟ ଜଳ ଯୋଗାଣ ସମସ୍ୟା ଦେଖାଦେଇଛି l ରାଜ୍ୟ ସରକାର ପାନୀୟ ଜଳ ଯୋଗାଣ ନିମନ୍ତେ ଲକ୍ଷ ଲକ୍ଷ ଟଙ୍କା ବିନିଯୋଗ କରୁଥିଲେ ମଧ୍ଯ ପାନୀୟ ଜଳ ସମସ୍ୟା ର ସମାଧାନ ହୋଇ ପାରିନାହିଁ l ଗ୍ରୀଷ୍ମଋତୁ ଆରମ୍ଭରୁ ହିଁ ଏଭଳି ସମସ୍ୟା ଦେଖାଦେଇଛି ଆଜକୁ ପ୍ରାୟ ୧୫ଦିନ ହେବ ପିଇବା ପାଣି ଯୋଗାଣ ବନ୍ଦ ଥିବାଯୋଗୁ ବାଧ୍ୟ ହୋଇ ଗ୍ରାମବାସୀ ମାନେ ରାସ୍ତାକୁ ଓହ୍ଲାଇଛନ୍ତି l
ରାୟଗଡ଼ ବ୍ଲକ ସଦର ଠାରେ ସମସ୍ୟା ଏଭଳି ତାହାହେଲେ ଅନ୍ୟ ପଞ୍ଚାୟତ ମାନଙ୍କରେ କିପରି ପାଣି ଯୋଗାଣ ହେଉଥିବ ତାହା ନିଶ୍ଚୟ ଅନୁମେୟ l କିଛିଦିନ ପୂର୍ବରୁ ରାୟଗଡ଼ ଗ୍ରାମର ପାଣି ସମସ୍ୟା ବିଷୟର ଜିଲ୍ଳାପାଳଙ୍କୁ ଗ୍ରାମର ଯୁବକମାନେ ଅବଗତ କରାଇଥିଲେ ମଧ୍ଯ କିଛି କାର୍ଯ୍ୟ କାରି ହୋଇ ପାରିଲାନାହିଁ ଫଳରେ ମହିଳା ମାନେ ଆଜି ବାଧ୍ୟ ହୋଇ ରାସ୍ତା ଅବରୋଧ କରି ଆନ୍ଦୋଳନ କରିଛନ୍ତି ।