ଭୁବନେଶ୍ୱର ( ବିପ୍ଲବୀ ପରିକ୍ରମା ):- : ୬ଷ୍ଠ ପର୍ଯ୍ୟାୟରେ ୯ପ୍ରାର୍ଥୀ ଘୋଷଣା କଲା BJD । ବଡଚଣାରୁ ବର୍ଷା ପ୍ରିୟଦର୍ଶନୀ, କେନ୍ଦ୍ରାପଡାରୁ ଗଣେଶ୍ବର ବେହେରା ଓ ଚମ୍ପୁଆରୁ ସନାତନ ମହାକୁଡଙ୍କୁ ମିଳିଲା ଟିକଟ । ଯାଜପୁର ଜିଲ୍ଲା ବଡଚଣା ବିଧାନସଭା ଆସନରୁ ନିକଟରେ ଦଳରେ ସାମିଲ ହୋଇଥିବା ଅଭିନେତ୍ରୀ ବର୍ଷା ପ୍ରିୟଦର୍ଶନୀଙ୍କୁ ଦଳ ଟିକେଟ ଦେଇଛି । ସେହିପରି ବରିଷ୍ଠ ନେତା ତଥା କଂଗ୍ରେସ ଛାଡି ବିଜେଡିରେ ସାମିଲ ହୋଇଥିବା ପୂର୍ବତନ ମନ୍ତ୍ରୀ ଗଣେଶ୍ବର ବେହେରାଙ୍କୁ କେନ୍ଦ୍ରାପଡାରୁ ଦଳ ପ୍ରାର୍ଥୀ କରିଛି । ଚମ୍ପୁଆରୁ ସ୍ବାଧୀନ ବିଧାୟକ ଥିବା ସନାତନ ମହାକୁଡଙ୍କୁ ଦଳ ଏଥର ଟିକେଟ ଦେଇଛି । ଅନ୍ୟମାନଙ୍କ ମଧ୍ୟରେ ଚିଲିକା ଆସନରୁ ରଘୁନାଥ ସାହୁ, ଆନନ୍ଦପୁରରୁ ଅଭିମନ୍ୟୁ ସେଠୀ, ସାରସକଣାରୁ ଦେବାଶିଷ ମାରାଣ୍ଡି, କରଞ୍ଜିଆରୁ ବାସନ୍ତୀ ହେମ୍ବ୍ରମ, ରେମୁଣାରୁ ବିଦୁସ୍ମିତା ମହାଳିକ, ସିମୁଳିଆରୁ ସୁଭାସିନୀ ସାହୁଙ୍କୁ ଦଳ ପ୍ରାର୍ଥୀ କରିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୂର୍ବ ଥର ପରି ଆଜି ଭିଡିଓ ବାର୍ତ୍ତା ଜାରି କରି ପ୍ରାର୍ଥୀ ଘୋଷଣା କରିଛନ୍ତି ।
ଷଷ୍ଠ ପର୍ଯ୍ୟାୟର ତାଲିକା
ଚିଲିକା- ରଘୁନାଥ ସାହୁ
ଆନନ୍ଦପୁର – ଅଭିମନ୍ୟୁ ସେଠୀ
ସାରସକଣା – ଦେବାଶିଷ ମାରାଣ୍ଡି
କରଞ୍ଜିଆ -ବାସନ୍ତୀ ହେମ୍ବ୍ରମ
ରେମୁଣା -ବିଦୁସ୍ମିତା ମହାଳିକ
ସିମୁଳିଆ -ସୁଭାସିନୀ ସାହୁ
ବଡ଼ଚଣା -ବର୍ଷା ପ୍ରିୟଦର୍ଶିନୀ
କେନ୍ଦ୍ରାପଡା – ଗଣେଶ୍ୱର ବେହେରା
ଚମ୍ପୁଆ – ସନାତନ ମହାକୁଡ଼