କେନ୍ଦୁଝର ( ବିପ୍ଲବୀ ପରିକ୍ରମା ):- କେନ୍ଦୁଝର ଜିଲ୍ଲା ବଡ଼ବିଲ ସହରର ୱାର୍ଡ ନମ୍ବର ୧୪, ତପ୍ନହାଟିଂସ୍ଥିତ ଏକ ଘର ଉପରେ ବିରାଟ ଶୁଖିଲା ଗଛ ପଡିଯାଇ ଘର ଭାଙ୍ଗି ଯାଇଥିବା ବେଳେ ସୌଭାଗ୍ୟ ବଶତଃ ପରିବାର ବର୍ତ୍ତି ଯାଇଛନ୍ତି। ଲଗାଣ ବର୍ଷା ଯୋଗୁଁ ଗତ ରାତିରେ ଗ୍ରାମର ରବୀନ୍ଦ୍ର ନାଥ ଜୋଜୋଙ୍କ ଘର ଆଗରେ ଥିବା ବିରାଟ ଶୁଖିଲା ଗଛଟି ତାଙ୍କ ଘର ଉପରେ ପଡି ଯାଇଥିଲା, ଫଳରେ ଘରଟି ଭାଙ୍ଗି ଯାଇଥିଲା। ମାତ୍ର ରବୀନ୍ଦ୍ର ଓ ତାଙ୍କ ପରିବାର ଅଳ୍ପକେ ବର୍ତ୍ତି ଯାଇଥିଲେ। ସୂଚନାପାଇ, ଆଜି ସକାଳୁ ବଡବିଲ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିବା ବେଳେ ଦିନ ଗୋଟାଏ ପର୍ଯ୍ୟନ୍ତ ଉଦ୍ଧାର କାର୍ଯ୍ୟ ଜାରି ରହିଥିବା ଦେଖା ଯାଇଥିଲା।