ମୟୁରଭଞ୍ଜ ( ବିପ୍ଲବୀ ପରିକ୍ରମା ):- ଆଉ ଦିନ କେଇଟା ପରେ ମୟୂରଭଞ୍ଜ ଜିଲ୍ଲାରେ ସାଧାରଣ ନିର୍ବାଚନ ହେବାକୁ ଥିବାବେଳେ ବିଜେଡି ର ପ୍ରଚାର ପ୍ରସାର ଦିନକୁ ଦିନ ଜୋରଦାର ହେବାରେ ଲାଗିଛି।
ବାରିପଦା ରେ ବିଧାୟକ ପ୍ରାର୍ଥୀ ସାନନ୍ଦ ମାରାଣ୍ଡି ତାଙ୍କ ପ୍ରଚାର କାର୍ଯ୍ୟକ୍ରମ କୁ ଜୋରଦାର କରିବାରେ ଲାଗିଛନ୍ତି। କେତେବେଳେ ଲୋକସଭା ପ୍ରାର୍ଥୀ ସୁଦାମ ମାରାଣ୍ଡି ଙ୍କୁ ନେଇ ରାଲୀ କରୁଛନ୍ତି ତ କେତେବେଳେ ଷ୍ଟାର ପ୍ରଚାରକ ଙ୍କ ସହିତ କରୁଛନ୍ତି ପଦଯାତ୍ରା।ସେହିଭଳି ଶନିବାର ସଂଧ୍ୟା ରେ ବିଜେଡି ର ଷ୍ଟାର ପ୍ରଚାରକ ଅଭିନେତ୍ରୀ ଜିନା ସାମଲ ଙ୍କ ସହିତ ବାରିପଦା ପାଲବଣି ଗୋଲେଇ ନିକଟରୁ ଏକ ବିଶାଳ ପଦଯାତ୍ରା ରେ ପ୍ରଚାର କରିଛନ୍ତି ସାନନ୍ଦ। ହଜାର ହଜାର ମହିଳା, ଯୁବ ଓ ଛାତ୍ର ସମର୍ଥକ ଙ୍କ ସହିତ ପାଲବଣି ଠାରୁ ବାହାରି କୃଷ୍ଣଚନ୍ଦ୍ର ଛକ ଦେଇ ମଧୁବନ ଯାଏଁ ଏହି ଶୋଭାଯାତ୍ରା ରେ ପ୍ରବଳ ଜନ ସମର୍ଥନ ମିଳିବା ଦେଖାଯାଇଥିଲା।
ବାରିପଦା ବାସୀ ଙ୍କ ଏଭଳି ଭଲପାଇବା ଓ ସମର୍ଥନ ଦେଖି ଏଥର ଡବଲ ଶଙ୍ଖ ର ବିଜୟ ସୁନିଶ୍ଚିତ ବୋଲି କହିଛନ୍ତି ତାରକା ପ୍ରଚାରକ ଜିନା।
ବାରିପଦା ର ଲୋକଙ୍କ ସମର୍ଥନ ଲାଗି ସମସ୍ତଙ୍କୁ କୃତଜ୍ଞତା ଦେବା ସହିତ ନବୀନ ବାବୁଙ୍କ ଜଣେ ସିପାହୀ ହିସାବରେ ବାରିପଦା ବାସୀ ଙ୍କ ସେବା କରି ସୁଯୋଗ ଦେଇଥିବାରୁ ସେ ନବୀନ ଙ୍କ ସହିତ ନିଜ ଭୋଟର୍ ମାନଙ୍କୁ ଧନ୍ୟବାଦ୍ ଦେଇଛନ୍ତି l