ମାଲକାନଗିରି ( ବିପ୍ଲବୀ ପରିକ୍ରମା ):- ମାଲକାନଗିରି ଜିଲ୍ଲାର କାଲିମେଳା ଦଶହରା ପୂଜା ମଣ୍ଡପରେ ବିଜେପି ଜିଲ୍ଳା ଯୁବ ମୋର୍ଚ୍ଚା ପକ୍ଷରୁ ଦୁଇ ଦିନ ଧରି ଅନୁଷ୍ଠିତ କାରଗିଲ ବିଜୟ ଦିବସ ଆଜି ଉଦଯାପିତ ହୋଇଛି l ଜିଲ୍ଲା ବିଜେପି ସାଧାରଣ ସମ୍ପାଦକ ଭବାନୀ ମୁଖାର୍ଜୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ଉତ୍ସବରେ ମାଲକାନଗିରି ବିଧାୟକ ନରସିଂହ ମାଡ଼କାମୀ, ଜିଲ୍ଲା ବିଜେପି ସାଧାରଣ ସମ୍ପାଦକ ମାଣିକ ଚକ୍ରବର୍ତ୍ତୀ, ଗଙ୍ଗାଧର ସୋଢି,ଜିଲ୍ଲା ବିଜେପି ଯୁବ ମୋର୍ଚ୍ଚା ସଭାପତି ରତନ ବନିକ, କାଲିମେଳା ମଣ୍ଡଳ ସଭାପତି ରତ୍ନାକର ପାଣିଗ୍ରାହୀ ଯୋଗ ଦେଇ କାରଗିଲ ଯୁଦ୍ଧରେ ଭାରତର ସୈନିକଙ୍କ ପରାକ୍ରମ ବିଷୟରେ ଆଲୋକପାତ କରିବା ସହ ଦେଶମାତୃକାର ସୁରକ୍ଷା ପାଇଁ ବଳିଦାନ ଦେଇଥିବା ଶହୀଦ୍ ଯବାନଙ୍କ ଶ୍ରୁତି ଚାରଣ କରିଥିଲେ l ଏ ଅବସରରେ ବନ ବିଭାଗର ସଭାଗୃହରେ ମାଗଣା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ମୋଟ ୪୮ ୟୁନିଟ ରକ୍ତ ସଂଗ୍ରହ ହୋଇଛି । ଶେଷରେ ଏକ ୧୨୫ ମିଟର ବିଶିଷ୍ଟ ତ୍ରିରଙ୍ଗା ଶୋଭାଯାତ୍ରା ନଗର ପରିକ୍ରମା କରି ଏହି ଦିବସ ସମ୍ପର୍କରେ ଲୋକଙ୍କୁ ସଚେତନ କରିଥିଲା ।
ଗତକାଲି ପ୍ରଥମ ଦିବସରେ ସହିଦ୍ ଯବlନଙ୍କ ଉଦ୍ଦେଶ୍ଯରେ ଅଖଣ୍ଡ ଦୀପ ପ୍ରଜ୍ବଳନ କରାଯାଇଥିଲା । ଏଥିସହ ଥାନା ପରିସରରେ ବୃକ୍ଷରୋପଣ ସହ ସ୍ଥାନୀୟ ଦୁଇ ସହିଦ୍ ଯବlନ ମାନକୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇ ସହିଦଙ୍କ ପରିବାରକୁ ସମ୍ମାନିତ କରାଯାଇଥିଲା ।