ଗଜପତି ( ବିପ୍ଲବୀ ପରିକ୍ରମା ):- – ଗଜପତି ଜିଲ୍ଲାର ରା. ଉଦୟଗିରି ବ୍ଲକ ଅନ୍ତର୍ଗତ କେ. ଏମ. ଭଲିଆସାହି ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷକ ରାମଚନ୍ଦ୍ର ଦଳବେହେରାଙ୍କ ନେତୃତ୍ତ୍ୱରେ ଜୁନିଅର ରେଡକ୍ରସ ତରଫରୁ ପଵିତ୍ର ରକ୍ଷା ବନ୍ଧନ ସହିତ ସ୍ୱଭାବ କବି ଗଙ୍ଗାଧର ମେହେରଙ୍କ ଜନ୍ମ ଜୟନ୍ତୀ ଅତି ଆନନ୍ଦର ସହିତ ପାଳନ ହୋଇଯାଇଛି l ଉକ୍ତ ଅବସରରେ ଯୋଡlମ୍ବ ଉଚ୍ଚ ବିଦ୍ୟାଳୟର ଶିକ୍ଷକ ରମେଶ ଚନ୍ଦ୍ର ଜେନା ଏବଂ ଶିକ୍ଷକ କିଶୋର ଚନ୍ଦ୍ର ଦଣ୍ଡସେନା ଉପସ୍ଥିତ ରହି ପିଲାମାନଙ୍କୁ ଗଙ୍ଗାଧର ମେହେର ଙ୍କର ଜୀବନୀ ଓ ସାହିତ୍ୟ କୃତି ବିଷୟରେ ବକ୍ତବ୍ୟ ପ୍ରଦାନ କରି ସମସ୍ତଙ୍କୁ ମେହେରଙ୍କର ଆଦର୍ଶରେ ଅନୁପ୍ରାଣିତ କରାଇଥିଲେ l
ତତ ସହିତ ପିଲାମାନଙ୍କ ଦ୍ୱାରା ଭାଷଣ ଏବଂ ସଂଗୀତ ପରିବେଷଣ କରାଯାଇ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା l ଏହା ସହିତ ପିଲାମାନେ ରକ୍ଷା ବନ୍ଧନ ପର୍ବ ଧୁମ ଧାମରେ ପାଳିନ କରିଥିଲେ l ଉକ୍ତ ଅବସରରେ ପିଲାମାନେ ପ୍ରଭୁ ଶ୍ରୀ ଜଗନ୍ନାଥଙ୍କ ହାତରେ ରାକ୍ଷୀ ବାନ୍ଧିବା ସହିତ ବିଦ୍ୟାଳୟ ପରିସରରେ ଥିବା ଗଛ ମାନଙ୍କ ଦେହରେ ରାକ୍ଷୀ ବାନ୍ଧି ବୃକ୍ଷ ଆମର ବନ୍ଧୁ ତାହା ପ୍ରମାଣିତ କରିଛିନ୍ତି l ବିଦ୍ୟାଳୟର ସଂସ୍କୃତ ଶିକ୍ଷକ ପ୍ରହ୍ଲାଦ ଶିଅଳ ଏ ସମସ୍ତ କାର୍ଯ୍ୟକ୍ରମକୁ ପରିଚାଳନା କରିବା ସହିତ ସମସ୍ତଙ୍କୁ ଧନ୍ୟବାଦ ଅର୍ପଣ କରି ସଭାସାଙ୍ଗ କରିଥିଲେ l