କୋଇଡା: ମାଙ୍ଗାନିଜ ଚୋରା ଚାଲାଣ ବେଳେ ଟ୍ରକ୍ ଜବତ୍
ସୁନ୍ଦରଗଡ଼ ( ବିପ୍ଲବୀ ପରିକ୍ରମା ): ସୁନ୍ଦରଗଡ଼ ଜିଲ୍ଲା କୋଇଡା ଖଣି ମଣ୍ଡଳ ତଥା ବନଖଣ୍ଡ ଅନ୍ତର୍ଗତ ମାଲଦା ପଞ୍ଚାୟତର ଶାଗୁଆନ ଜଙ୍ଗଲରୁ ଏକ ଚୋରା ମାଙ୍ଗାନିଜ ବୋଝେଇ ଟ୍ରକ ଜବତ ହୋଇଥିବା ଜଣା ପଡିଛି। ଏଠାରେ ସୂଚନା ଥାଉ କି ଏହି ଖଣି ମଣ୍ଡଳର ବିଭିନ୍ନ ବନ୍ଦ ଖଣିରୁ ବାରମ୍ବାର ମାଙ୍ଗାନିଜ ଚୋରା ଚାଲାଣ ହେଉଥିବା ବେଳେ କେବଳ ଗୋଟିଏ ଦୁଇଟି ଟ୍ରକ୍ ଜବତ୍ ହେଉଛି। ମାତ୍ର ଉପଯୁକ୍ତ ତଦନ୍ତ ନ ହେବାରୁ ଏହି ଚୋରା କାରବାର ମାଷ୍ଟରମାଇଣ୍ଡ ଆଇନ ଆଖିରେ ଧୂଳି ଦେଇ ବଞ୍ଚି ଯାଉଛନ୍ତି। ଯାହା ଫଳରେ ଏହି ଚୋରା କାରବାର ଉପରେ ଅଙ୍କୁଶ ଲଗାଇବା ପୋଲିସ ପାଇଁ ଅସମ୍ଭବ ମନେ ହେଉଛି।
ସୂଚନାନୁସାରେ ଶାଗୁଆନ ଜଙ୍ଗଲରୁ ମାଙ୍ଗାନିଜ ଚୋରା ଚାଲାଣ ହେଉଥିବା ଖବର ପାଇ କୋଇଡା ପୋଲିସ୍ ଓ ବନ ବିଭାଗ ସେଠାରେ ଅତର୍କିତ ଚଢ଼ାଉ କରିଥିଲା। ଚଢାଉ ସମୟରେ ମାଫିଆ ମାନେ ଫେରାର ହୋଇଥିବା ବେଳେ JH02-W-7322 ନମ୍ବର ବିଶିଷ୍ଟ ଚୋରା ମାଙ୍ଗାନିଜ ବୋଝେଇ ଟ୍ରକ ଜବତ୍ ହୋଇଛି।