କରଞ୍ଜିଆ ( ବିପ୍ଲବୀ ପରିକ୍ରମା ):- କରଞ୍ଜିଆ ବନଖଣ୍ଡ,ସାତକୋଶିଆ ବନ୍ୟପ୍ରାଣୀ ରେଞ୍ଜ ଅଞ୍ଚଳ ର ବନ କର୍ମଚାରୀ ମାନେ ଦୁଆରଶୁଣୀ ଜଙ୍ଗଲ ରୁ ଶୁକ୍ରବାର ସକାଳେ ଶିକାରୀ ମାନେ ଶିକାର କରି ଥିବl ୮ କେଜି ଓଜନର କୁଟୁରା ମାଂସ ଜବତ କରିବା ସହ ଘଟଣାରେ ସଂପୂର୍କ୍ତ ୫ଜଣ ଶିକାରୀ ଙ୍କୁ ଗିରଫ କରିଥିବାର ଜଣା ପଡିଛି । ବିଶେଷ ସୂତ୍ରରୁ ଖବର ପାଇ ରେଞ୍ଜ ଅଧିକାରୀ ରବିନ୍ଦ୍ର କୁମାର ମହାନ୍ତ, ବନପାଳ ଗିରିଜା ନନ୍ଦନ ଦଳେଇ,ବିଜୟ କୁମାର ମାହାନ୍ତ ଙ୍କ ନେତୃତ୍ୱରେ ଏକ ଟିମ୍ ଦୁଆରଶୁଣୀ ଜଙ୍ଗଲ ରେ ଚଢ଼ାଉ କରିଥିଲେ । ଶୀକାରୀ ମାନେ ଏକ କୁଟୁରା କୁ ଶିକାର କରି ସାରି ଜଙ୍ଗଲ ଭିତରେ ମାଂସ ଭାଗ କରୁଥିବା ସମୟରେ ସଂପୂର୍କ୍ତ ୫ ଜଣକୁ ଚଢ଼ାଉ କରି ଧରିଥିଲେ।
ଘଟଣାସ୍ଥଳରୁ ବ୍ୟବହୃତ ଛୁରୀ,ଫାସ, କୁରାଢ଼ୀ ଆଦି ଅସ୍ତ୍ର ଶସ୍ତ କୁ ମଧ୍ୟ ଜବତ କରିଥିଲେ। ବିଭାଗ ହାତରେ ଧରା ପଡିଥିବା ସମସ୍ତ ୫ଜଣ ଅଭିଯୁକ୍ତ ସାତକୋଶିଆ ରେଞ୍ଜ ଅନ୍ତର୍ଗତ ଦୁଆରଶୁଣୀ ଗାଁ ର ବୋଲି ସୂଚନା ମିଳିଛି। ଗିରଫ ଶିକାରୀ ମାନେ କନ୍ଦା ବରଡ଼ା (୪୦),କାହ୍ନୁ ଚରଣ ବୁଲିଉଳି (୩୮),ବିଜୟ କୁମାର ବୁଲିଉଳି(୨୭),କମଳା କାନ୍ତ ହୋ (୪୩),ସୋମନାଥ ବୁଲିଉଳି(୨୧) ବୋଲି ଜଣାପଡ଼ିଛି।ଏ ସଂକ୍ରାନ୍ତରେ ସାତକୋଶିଆ ବନ୍ୟପ୍ରାଣୀ ବିଭାଗ କେଶ ନମ୍ବର ୧୨/୨୦୨୪ ଅନୁଯାୟୀ ମାମଲା ରୁଜ୍ଜୁ କରି ତଦନ୍ତ ଜାରି ରହି ଥିବାର ସୂଚନା ମିଳିଛି l