ଯାନିଆମ୍ବ ( ବିପ୍ଲବୀ ପରିକ୍ରମା ଡିଜିଟାଲ ):- ଗତ କିଛି ଦିନ ହେଲା ଗଜପତି ଓ ଗଞ୍ଜାମ ଜିଲ୍ଲା ରେ ଆତଙ୍କ ଖେଳାଇଥିବା ମହାବଳ ବାଘ ଏବେ ଚନ୍ଦ୍ରଗିରି ବନାଞ୍ଚଳରେ ଘୁରି ବୁଲୁଛି l ସୋମବାର ରାତିରେ ଜାନିଆମ୍ବ ଓ ଗଡ଼ ଶାନ୍ତରାପୁର ନିକଟସ୍ଥ ଜଙ୍ଗଲ ରେ ବୁଲୁଥିବା ସୂଚନା ମିଳିଛି l ଜାନିଆମ୍ଭ ଗାଁର ଜଳନ୍ଦର ଦଲାଇଙ୍କ ଗାଈକୁ ଗୁହାଳ ନିକଟରୁ ଟାଣି ନେଇ ମାରି ଖାଇଥିବା ବେଳେ ଗାଈର ଖଣ୍ଡ ବିଖଣ୍ଡିତ ମୃତଦେହ ମିଳିଛି l ଏଥିସହ ଏହାର ନିକଟରେ ପାଦଚିହ୍ନ ଠାବ ହୋଇଛି l ଖବର ପାଇ ଚନ୍ଦ୍ରଗିରି ବନାଞ୍ଚଳ ପୋଡାମାରି, ଭୀଷ୍ମଗିରି, ଚାନ୍ଦିପୁଟ ବନ ବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ପାଦଚିହ୍ନ ଯାଞ୍ଚ କରିବା ସହ ବିଭିନ୍ନ ସ୍ଥାନରେ ଅନୁଧ୍ୟାନ କରୁଛନ୍ତି l ଉକ୍ତ ଅଂଚଳଟି ଲଖlରୀ ଅଭୟlରଣ୍ୟ ପାଦଦେଶ ହୋଇଥିବା ଯୋଗୁଁ ଲୋକେ ଆତଙ୍କିତ ହୋଇପଡିଛନ୍ତି l ସୋମବାର ରାତିରେ ଜାନିଆମ୍ବ, ଗଡ଼ ଶାନ୍ତରାପୁର ଅଞ୍ଚଳରେ ଘୁରି ବୁଲୁଥିବା ସୂଚନା ମିଳିଛି l ବନ କର୍ମଚାରୀ ସେହି ଅଞ୍ଚଳରେ ପଇଁତରା ମାରିବା ସହ ଗାଁ ଗାଁ ବୁଲି ସଚେତନ କରୁଛନ୍ତି l ସନ୍ଧ୍ୟାହେଲେ ଘରୁ ନବାହାରିବାକୁ ପରାମର୍ଶ ଦେଇଛି ବନ ବିଭାଗ l ଘଟଣା ସ୍ଥଳରେ ଗଜପତି ଡିଏଫଓ ଏସ. ଆନନ୍ଦ ପହଞ୍ଚି ଅନୁଧ୍ୟାନ କରୁଛନ୍ତି l ମୃତ ଗାଈର ଶବ ଉଦ୍ଧାର କରି ବ୍ୟବଛେଦ ପାଇଁ ପଠାଯିବା ସହ ଅନୁସନ୍ଧାନ ଜାରି ରହିଥିବା ଏସିଏଫ ସାଇନି ଶ୍ରୀ ଦାସ କହିଛନ୍ତି l