ମହାରାଷ୍ଟ୍ର ( ବିପ୍ଲବୀ ପରିକ୍ରମା ଡିଜିଟାଲ ):- ମହାରାଷ୍ଟ୍ରରେ ବିଜେପି ନେତୃତ୍ବାଧୀନ ମହାୟୁତି ମେଣ୍ଟର ବିଜୟ ପାଇଁ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମସ୍ତ ବିଜେପି ଏବଂ ଏନ୍ଡିଏ କର୍ମୀମାନଙ୍କୁ ଶୁଭେଚ୍ଛା ଜଣାଇଛନ୍ତି। ଦିଲ୍ଲୀରେ ଦଳର ମୁଖ୍ୟାଳୟରେ ଦଳୀୟ କର୍ମୀମାନଙ୍କୁ ଉଦ୍ବୋଧନ ଦେଇ ମୋଦୀ କହିଛନ୍ତି, ଆଜି ନକରାତ୍ମକ ରାଜନୀତିର ପରାଜୟ ହୋଇଛି। ପରିବାରବାଦର ପରାଜୟ ହୋଇଛି। ଏକ ବିକଶିତ ଭାରତ ପାଇଁ ସଙ୍କଳ୍ପକୁ ମହାରାଷ୍ଟ୍ର ଆଜି ସୁଦୃଢ଼ କରିଛି। ଚଳିତ ନିର୍ବାଚନରେ ବିଜେପି ଦେଇଥିବା ‘ଏକ୍ ହୈ ତୋ ସେଫ୍ ହୈ’ (ଏକଜୁଟ ରହିବା ହିଁ ନିରାପଦ) ସ୍ଲୋଗାନ ଦେଶବାସୀଙ୍କ ପାଇଁ ମହାମନ୍ତ୍ର ପାଲଟିଯାଇଛି ବୋଲି ପ୍ରଧାନମନ୍ତ୍ରୀ କହିଛନ୍ତି।