ବିପ୍ଲବୀ ପରିକ୍ରମା ବ୍ୟୁରୋ :- ସାରା ରାଜ୍ୟରେ ଶ୍ରୀ ମନ୍ଦିର ଲୋକାର୍ପଣ ପକଳ୍ପ ପାଇଁ ଚାଉଳ ଓ ଗୁଆ ସଂଗ୍ରହ ଲାଗି ଶ୍ରୀ ଜଗନ୍ନାଥ ଅର୍ପଣ ରଥ ପରିଭ୍ରମଣ କାର୍ଯ୍ୟକ୍ରମ ଚାଲୁଅଛି । ତେବେ ଆଜି ଗଜପତି ଜିଲ୍ଲା ନୂଆଗଡ ବ୍ଲକ ପଞ୍ଚାୟତ ସମ୍ମିତି ତରଫରୁ ନୂଆଗଡ ବ୍ଲକ ଅନ୍ତର୍ଗତ ତିତିସିଂ ଓ ବଡପଦା ପଞ୍ଚାୟତରେ ଏହି ଶ୍ରୀ ଜଗନ୍ନାଥ ଅର୍ପଣ ରଥ ପରିକ୍ରମା କରିଛି । ପ୍ରଥମେ ତିତିସିଂ ଓ ପରେ ବଡପଦାରେ ଏହି ରଥକୁ ସ୍ବାଗତ କରି ବନ୍ଦାପନା କରିଥିଲେ । ପ୍ରତି ସାହିସାହି ବୁଲି ଶ୍ରଦ୍ଧାଳୁଙ୍କ ନିକଟରୁ ଚାଉଳ, ଗୁଆ ସଂକୀର୍ତ୍ତନ ମଣ୍ଡଳୀ ଦ୍ବାରା ସଂଗୃହିତ ହୋଇଥିଲା । ଏଥିଲାଗି ଏହି ଅଞ୍ଚଳ ଉତ୍ସାହ ମୁଖର ହୋଇଥିଲା ।ଏହିକାର୍ଯ୍ୟକ୍ରମରେ ବ୍ଲକ ପଞ୍ଚାୟତ ସମ୍ମିତି ଅଧ୍ୟକ୍ଷା ମାଳତି ପ୍ରଧାନ, ଜିଲ୍ଲା ବିଜେଡି ସଭାପତି ଜଗବନ୍ଧୁ ଦାସ ଓ କିଶୋର ପ୍ରଧାନ ପ୍ରମୁଖ ଯୋଗ ଦେଇଥିବାବେଳେ, ଏହି ଅଞ୍ଚଳର ଅନେକ ଭକ୍ତ, କୀର୍ତ୍ତନ ମଣ୍ଡଳୀ, ଏସ ଏଚ ଜି ମହିଳା ଗୋଷ୍ଠୀ,ଯୁବ ଗୋଷ୍ଠୀ ଆଞ୍ଚଳିକ ସରପଞ୍ଚ, ଓ୍ବାର୍ଡ ସଭ୍ୟ ଓ ବୁଦ୍ଧିଜୀବି ଉପସ୍ଥିତ ଥିଲେ ।