ମାଲକାନଗିରି ( ବିପ୍ଲବୀ ପରିକ୍ରମା ):- ମାଲକାନଗିରି ଜିଲ୍ଲା ଗସ୍ତରେ ଓଡ଼ିଶାର ପି.ସି.ସି.ଏଫ ଦେବଦତ ବିଶ୍ୱାଲ । ଭୁବନେଶ୍ୱରରୁ ବାହାରି ରାଜ୍ୟ ରାଜପଥ ଦେଇ ପି.ସି.ସି.ଏଫ ଦେବଦତ ବିଶ୍ୱାଳ ଓ ଆର.ସି.ଏଫ ପ୍ରଶାନ୍ତ କୁମାର ବେହେରା ପ୍ରଥମେ ମାଲକାନଗିରି ଜିଲ୍ଲାର ଗୋବିନ୍ଦପାଲି ଠାରେ ପହଁଚିବା ପରେ ମାଲକାନଗିରି ଡି.ଏଫ.ଓ ପ୍ରତାପ କୋଟାପାଲି ଓ ମାଥିଲିରେଞ୍ଜର ବାସୁଦେବ ନାୟକ ପି.ସି.ସି.ଏଫଙ୍କୁ ଫୁଲତୋଡା ଦେଇ ସ୍ୱାଗତ କରିଥିଲେ I
ପରେ ପି.ସି.ସି.ଏଫ ଦେବଦତ ବିଶ୍ୱାଳ ମାଲକାନଗିରି ସହର ଉପକଣ୍ଠରେ ଥିବା ସତୀଗୁଡା ଜଳଭଣ୍ଡାରରେ ଓଡିଶା,ଛତିଶଗଡ଼,ଆନ୍ଧ୍ରପ୍ରଦେଶ ଓ ତେଲେଙ୍ଗାନାର ସତାଧିକ ପର୍ଯ୍ୟଟକଙ୍କ ସୁଅ ପର୍ଯ୍ୟଟନ ଋତୁରେ ଇକୋ ପାର୍କକୁ ଆସୁଥିବା ବେଳେ ପର୍ଯ୍ୟଟକଙ୍କ ସୁବିଧା ଲାଗି ସେଠାରେ ନବନିର୍ମିତ ଚାରଟି ଇକୋ ରିସର୍ଟ କୁ ଉଦ୍ଧଘାଟନ କରିଥିଲେ I
ପରେ ସେଠାରୁ ବାହାରି ମାଲକାନଗିରି ସହରରେ ଥିବା ବୋଟନିକାଲ ଗାର୍ଡେନର ମଧ୍ୟ ଶୁଭ ଉଦ୍ଧଘାଟନ କରିଛନ୍ତି । ମାଲକାନଗିରି ଜିଲ୍ଲା ଏକ ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ହୋଇଥିବା ବେଳେ ପ୍ରକୃତି ଏଇଠି ଅନେକ କିଛି ଦେଇଛି I ତେଣୁ ଏହାକୁ ଗୁରୁତ୍ୱ ଦେଇ ପର୍ଯ୍ୟଟନର ଉନ୍ନତି ପାଇଁ ସରକାରଙ୍କ ପକ୍ଷରୁ ଥିବା ସମସ୍ତ ସୁବିଧା ସୁଯୋଗ ମାଲକାନଗିରି ଜିଲ୍ଲାକୁ ପ୍ରଦାନ କରାଯିବ ବୋଲି ପି.ସି.ସି.ଏଫ ଦେବଦତ ବିଶ୍ୱାଳ ଗଣମାଧ୍ୟମକୁ ସୁଚନା ଦେଇଛନ୍ତି ।