କଳିଙ୍ଗା ଘାଟିରେ ଦୁର୍ଘଟଣାରେ, ଜଣେ ମୃତ୍ୟୁ
ଭଞ୍ଜନଗର ( ବିପ୍ଲବୀ ପରିକ୍ରମା ):- ଭଂଜନଗର ଥାନା ଅନ୍ତର୍ଗତ ଗଂଜାମ – କନ୍ଧମାଳ ସୀମାନ୍ତ କଳିଙ୍ଗା ଘାଟିରେ, ଏକ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ଜଣକ ବାଲିଗୁଡା ଥାନା ଅଞ୍ଚଳର ବବୁଲୁ ପାଣିଗ୍ରାହୀ । ସ୍କୁଟି ଯୋଗେ, ସେ ବାଲିଗୁଡା ରୁ ଭଂଜନଗର ଅଭିମୁଖେ ଯାଉଥିଲେ । କଳିଙ୍ଗା ଘାଟିରେ, କୌଣସି ଏକ ଅଜଣା ଗାଡ଼ି, ତାଙ୍କ ସ୍କୁଟି କୁ ଧକ୍କା ଦେଇଥିବା କୁହାଯାଉଛି ।
ଘଟଣା ସ୍ଥଳରେ ସେ ଗୁରୁତର ଆହତ ଅବସ୍ଥାରେ ଆମ୍ବୁଲାନ୍ସ ଯୋଗେ ଭଂଜନଗର ମେଡିକାଲରେ ରେ ଭର୍ତ୍ତି କରାଯାଇଥିଲା । ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ପୋଲିସ୍ ତାଙ୍କ ମୃତଦେହକୁ ଜବତ କରି ଘଟଣାର ତଦନ୍ତ ଚଳାଇଛି ।