ବିପ୍ଲବୀ ପରିକ୍ରମା ଡିଜିଟାଲ :- ଆଜି ଆସୁଛନ୍ତି ପିଏମ୍ ନରେନ୍ଦ୍ର ମୋଦି । ସେଇଥି ପାଇଁ ସାଜସଜା ରାଜଧାନୀ ଭୁବନେଶ୍ୱର । ରାଜଧାନୀ ସାରା ଛାଇଗଲାଣି ପ୍ରଧାନମନ୍ତ୍ରୀ ମୋଦି ଓ ଗୃହମନ୍ତ୍ରୀ ଶାହଙ୍କ କଟ୍ ଆଉଟ୍ । ଏୟାରପୋର୍ଟ ନିକଟରେ ଛିଡ଼ା ହୋଇଛି ମୋଦିଙ୍କ ବିଶାଳ କଟଆଉଟ୍ । ଆଜି ଅପରାହଣରେ ପ୍ରଧାନମନ୍ତ୍ରୀ ଭୁବନେଶ୍ୱର ଏୟାରପୋର୍ଟରେ ପହଞ୍ଚିବା ପରେ ପ୍ରଥମେ ଏହି ମଞ୍ଚରୁ ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ଏଣେ ପିଏମ୍ଙ୍କ ଗସ୍ତ ପୂର୍ବରୁ ସରିଛି କାରକେଡ୍ ରିହରସାଲ୍ l ଏୟାରପୋର୍ଟରୁ ବାହାରି ରାଜଭବନ ପର୍ଯ୍ୟନ୍ତ ଯାଇଥିଲା କାରକେଡ୍ । ଦ୍ୱିତୀୟ ଥର ପାଇଁ ବିଜେପି ରାଜ୍ୟ କାର୍ଯ୍ୟାଳୟକୁ ଆସୁଛନ୍ତି ମୋଦି । ଆଜି ସଂଧ୍ୟାରେ ଏଠାରେ ପ୍ରାୟ ୨ ଘଣ୍ଟା ରହିବେ । ପଦାଧିକାରୀ ଓ ଜନପ୍ରତିନିଧିଙ୍କ ସହିତ କରିବେ ରୁଦ୍ଧଦ୍ୱାର ବୈଠକ । ଫୋକସରେ ରହିବ ସରକାର ଓ ସଂଗଠନ । ଏବେ କ୍ଷମତାକୁ ଆସିବା ପରେ, ସଂଗଠନ କିପରି ସବୁଠୁ ଦୃଢ଼ ହେବ ତାକୁ ଗୁରୁତ୍ୱ ଦେଉଛି କେନ୍ଦ୍ରୀୟ କମିଟି । ଏହି କ୍ରମରେ ମୋଦି ମୋ ବୁଥ୍ ସବୁଠୁ ମଜଭୁତ, ବୁଥ୍କୁ ଚାଲ, ସଭ୍ୟ ସଂଗ୍ରହ ଅଭିଯାନକୁ ଅଧିକ କ୍ରିୟାଶୀଳ କରିବାକୁ ମନ୍ତ୍ର ଦେଇପାରନ୍ତି ।ଚଳିତ ଥର କୋଟିଏ ସଭ୍ୟ ସଂଗ୍ରହ କରିବାକୁ ଟାର୍ଗେଟ୍ ଦିଆଯାଇଛି । ସେନେଇ ମଧ୍ୟ ଆଲୋଚନା କରିବେ ।