କଟକ ( ବିପ୍ଲବୀ ପରିକ୍ରମା ):- କଟକ ଏସସିବି ମେଡ଼ିକାଲ କଲେଜ ରୁ ୫ଜଣ ଦଲାଲ ଙ୍କୁ ଗିରଫ କରି କୋର୍ଟ ଚାଲାଣ କରିଛି ମଙ୍ଗଳାବାଗ ଥାନା ପୋଲିସ । ଗିରଫ ହୋଇଥିବା ଦଲାଲ ମାନେ ଆମ୍ବୁଲାନ୍ସ ଡ୍ରାଇଭର ଭାବେ କାର୍ଯ୍ୟ କରୁଥିବା ବେଳେ ବିଭିନ୍ନ ବିଭାଗରୁ ରୋଗୀ ମାନଙ୍କୁ ଘରୋଇ ମେଡିକାଲ କୁ ସ୍ଥାନାନ୍ତରିତ କରି ଥାଆନ୍ତି । ଗତକାଲି ରାତିରେ ପୋଲିସ ପକ୍ଷରୁ ଏହି ଚଢାଉ କରାଯିବା ସହ ଏମାନଙ୍କୁ ଗିରଫ କରାଯାଇଥିଲା । ସବୁଠାରୁ ବଡ଼ କଥା ହେଲା କି କିଛି ଠିକା ସଂସ୍ଥା ର କର୍ମଚାରୀ ଆଗୁଆ ପୋଲିସ ଚଢ଼ାଉ ନେଇ ସତର୍କ ହୋଇଯାଇଥିଲେ । ଗିରଫ ଦଲାଲ ମାନଙ୍କ ସହ ଆଉ କାହାର ସମ୍ପର୍କ ରହିଛି ଏ ନେଇ ପୋଲିସ ଖୋଳତାଡ଼ କରୁଥିବା କଥା କହିଛନ୍ତି ଜୋନ-୨ ଏସିପି ଅମିତାଭ ମହାପାତ୍ର ।