ଗଜପତି ( ବିପ୍ଲବୀ ପରିକ୍ରମା ଡିଜିଟାଲ ):- ସବୁଜ ଜହର ର ହବ୍ ପାଲଟିଛି ଗଜପତି ଜିଲ୍ଲା l ଜିଲ୍ଲାର ଉକ୍ତ ତିନି ଥାନା ଅଞ୍ଚଳ ମାଓ ପ୍ରବଣ ଅଞ୍ଚଳ ଥିଲା l ଗଞ୍ଜେଇ ଚାଷରେ ମାଓବାଦୀଙ୍କ ପ୍ରଚ୍ଛନ୍ନ ସହଯୋଗ ଥିବା ନେଇ ପୂର୍ବରୁ ଅନେକ ବାର ପୁଲିସ ପକ୍ଷରୁ ସୂଚନା ଦିଆଯାଇଛି l ତେଣୁ ଦୁର୍ଗମ ଅଞ୍ଚଳରେ ପୁଲିସ ପହଞ୍ଚିବା କାଠିକର ପାଠ ଥିଲା l ଏବେ ଗଜପତି ଜିଲ୍ଲା ଏକ ପ୍ରକାର ମାଓବାଦୀ ମୁକ୍ତ ଜିଲ୍ଲା ହୋଇଥିବା ବେଳେ ଗତ ୨୦୧୫ ରୁ ପୁଲିସ ପକ୍ଷରୁ ଅପରେସନ ଗ୍ରୀନ କ୍ଲିନ୍ ଜାରି ରହିଛି l ପ୍ରାୟତ ଜଙ୍ଗଲ ଜମିରେ ଗଞ୍ଜେଇ ଚାଷ ହେଉଥିବା ଯୋଗୁଁ ପ୍ରକୃତ ଚାଷୀ ଙ୍କୁ ଚିହ୍ନଟ କରିବାରେ ପୁଲିସ ପାଇଁ ସମସ୍ୟା ଦେଖାଦେଉଛି l ଗତ ଦୁଇ ସପ୍ତାହ ମଧ୍ୟରେ ମୋହନା ଓ ଅଡବା ଥାନା ଅଞ୍ଚଳରେ ଚଢ଼ାଉ କରି କୋଟି କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ କରିଛି ପୁଲିସ ଓ ଅବକାରୀ ବିଭାଗ l ମୋହନା ଥାନା ଅଞ୍ଚଳରେ ୧୧୩ ଏକର ଜମିରେ ୧୯ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ କରାଯାଇଛି l ସେହିପରି ଅଡବା ଥାନା ଅଞ୍ଚଳରେ ଚଢ଼ାଉ କରି ୨୨୨ ଏକର ଜମିରେ ୪୪ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ କରିଛି ପୁଲିସ ଓ ଅବକାରୀ ବିଭାଗ l