ବାରିପଦା ( ବିପ୍ଲବୀ ପରିକ୍ରମା ଡିଜିଟାଲ ):- ବାରିପଦାରୁ ୧୯୭୩ ମସିହାରେ ପାସ ଆଉଟ ହୋଇଥିବା ଛାତ୍ର ଛାତ୍ରୀ ମାନଙ୍କର ସଂଗଠନ ଆମେ ୭୩ ପକ୍ଷରୁ ଆଜି ଅପରାହ୍ନରେ ବାରିପଦା କ୍ଳବ ପରିସର ରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି. ଆମେ ୭୩ ସଂଗଠନର ସଦସ୍ୟ ଆଇନଜୀବୀ କୃଷ୍ଣଚନ୍ଦ୍ର ଦାସ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ସଭାପତି ଇଂ ଅଶୋକ ବସା, ରବି ନାରାୟଣ ଚାୱପଟନାୟକ, ହରିଶ ପ୍ରଧାନ , ରଜତ ମହାନ୍ତି , ସତ୍ୟବାନ ସେଠୀ, ଅମରେନ୍ଦ୍ର ଦାସ, କ୍ଷୀରୋଦ ସିଟ, ଡ଼. ଲଷ୍ମୀପ୍ରିୟା ସେଠୀ, ଝରଣା ଦାସ, ଆର.ଏନ. ଚାୱପଟନାୟକ ପ୍ରମୁଖ ମଂଚାସୀନ ରହି ଆମେ ୭୩ ର ସୁବର୍ଣ୍ଣ ଜୟନ୍ତୀ ପାଳନ ସମାରୋହ ରବିବାର ହେବାକୁ ଥିବା ବେଳେ, ଭାରତ ବର୍ଷର ବିଭିନ୍ନ ପ୍ରାନ୍ତରେ ପ୍ରତିଷ୍ଠିତ ୨୪୦ ଜଣ ଏହି ସମ୍ମିଳନୀରେ ଯୋଗଦେଇ ମୟୁରଭଞ୍ଜର ସାମଗ୍ରୀକ ବିକାଶ ପାଇଁ ଯୋଜନା ପ୍ରସ୍ତୁତ କରି ନିଜନିଜ କ୍ଷେତ୍ରରେ କିଭଳି କାର୍ଯ୍ୟକରି ମୟୁରଭଞ୍ଜର ବିକାଶ ଦିଗରେ ସହାୟକ ହେବେ ବୋଲି କହିଛନ୍ତି।