ବିପ୍ଲବୀ ପରିକ୍ରମା ଡିଜିଟାଲ :- ଚାଲିଲା ପୁଷ୍ପାରାଜ୍ର ରାଜୁତି । ସାରା ଦେଶରେ କ୍ରେଜ, ସବୁ ହଲ୍ରେ ଚାଲିଛି ହାଉସ୍ ଫୁଲ୍ ଶୋ’ । ବଡ଼ ପରଦାକୁ ଆସିଛି ଦଶନ୍ଧିର ସବୁଠୁ ବଡ଼ ଆଉ ବହୁ ପ୍ରତିକ୍ଷିତ ସିନେମା ପୁଷ୍ପା-ଟୁ । ଅଲୁ ଅର୍ଜୁନ ଏବଂ ରଶ୍ମିକା ମନ୍ଦାନାଙ୍କ ‘ପୁଷ୍ପା ୨’ ଚଳିତ ବର୍ଷର ଅଲ୍ ଟାଇମ୍ ବ୍ଲକ୍ବଷ୍ଟର୍ ଫିଲ୍ମ ହେବାକୁ ଯାଉଛି। କେବଳ ଫିଲ୍ମର କାହାଣୀ ନୁହେଁ, ଗୀତ ଏବଂ ସଂଳାପଗୁଡ଼ିକ ଏପରି ହୋଇଛି ହଲ୍ରେ ଦର୍ଶକଙ୍କ ମନ ମୋହିପାରିଛି । ପୁଷ୍ପା : ଦ ରାଇଜ୍’ ପରେ ‘ପୁଷ୍ପା ୨: ଦ ରୁଲ୍’କୁ ଉତ୍ସାହର ସହିତ ଅପେକ୍ଷା କରାଯାଇଥିଲା। ଅଲୁ ଅର୍ଜୁନ ଏବଂ ରଶ୍ମିକା ମନ୍ଦାନାଙ୍କ ଫିଲ୍ମ ‘ପୁଷ୍ପା ୨’. ସବୁ ପ୍ରେକ୍ଷାଳୟରେ ନାହିଁ ନ ଥିବା ଭିଡ ଦେଖିବାକୁ ମିଳୁଛି । ଏହି ଫିଲ୍ମରେ ପୁଣି ଥରେ ଅଲୁ ଅର୍ଜୁନ ପୁଷ୍ପରାଜ ହୋଇ ଜବରଦସ୍ତ ଅଭିନୟ କରୁଥିବା ନଜର ଆସିଛନ୍ତି।ବର୍ତ୍ତମାନ ‘ପୁଷ୍ପା ୨’ ର ପ୍ରଥମ ଦିନର ବକ୍ସ ଅଫିସ୍ ରୋଜଗାର ସାମ୍ନାକୁ ଆସିଛି। ଯେଉଁଥିରେ ଅଲୁ ଅର୍ଜୁନଙ୍କ ଏହି ଫିଲ୍ମ ଭାରତର ପ୍ରାୟ ସମସ୍ତ ବଡ ବଡ ଫିଲ୍ମକୁ ପଛରେ ପକେଇଦେଇଛି। ପୁଷ୍ପା ୨’ ସାରା ବିଶ୍ୱରେ ୧୨,୫୦୦ ପରଦାରେ ମୁକ୍ତିଲାଭ କରିଛି। ଏହି ଫିଲ୍ମ ଏହାର ପ୍ରଥମ ଦିନରେ ବକ୍ସ ଅଫିସ୍ ରେକର୍ଡ ଭାଙ୍ଗିବାକୁ ପ୍ରସ୍ତୁତ। ଅଲୁ ଅର୍ଜୁନଙ୍କ ଫିଲ୍ମ ସାରା ବିଶ୍ୱରେ ଭଲ ଆଡଭାନ୍ସ ବୁକିଂ ହାସଲ କରିଛି।
ଏଭଳି ପରିସ୍ଥିତିରେ, ଯଦି ଗଣମାଧ୍ୟମର ରିପୋର୍ଟକୁ ବିଶ୍ୱାସ କରାଯାଏ ତେବେ ଫିଲ୍ମ ପ୍ରଥମ ଦିନରେ ସାରା ବିଶ୍ୱରେ ୨୭୦ କୋଟି ଟଙ୍କା ରୋଜଗାର କରିଛି। ଅନ୍ୟପଟେ ଅଲୁ ଅର୍ଜୁନ ପ୍ରଥମ ଦିନରେ ରୋଜଗାର ଦୃଷ୍ଟିରୁ ଶାହରୁଖ ଖାନଙ୍କ ‘ପଠାନ’, ‘ଯବାନ’, ପ୍ରଭାସଙ୍କ ସାଲାର, କଲ୍କୀ ୨୮୯୮ ଏଡି ଏବଂ ରାଜାମୌଲିଙ୍କ RRR ସହିଲ ଆନିମଲ୍, ଦେବରାକୁ ପଛରେ ପକେଇ ଦେଇଛି l