ରାଇରଙ୍ଗପୁର ( ବିପ୍ଲବୀ ପରିକ୍ରମା ):- ସାଧାରଣ ନିର୍ବାଚନ କୁ ଆଉ ଦିନ କେଇଟା ଥିଲା ବେଳେ ନିର୍ବାଚନରେ ବାଜିମାତ କରିବା ପାଇଁ ବିଭିନ୍ନ ଦଳ ଆରମ୍ଭ କରିଦେଇଛନ୍ତି କସରତ।ତେବେ ସେଥିରୁ ବାଦ ପଡିନି ବିଜୁ ଜନତା ଦଳ।ଏହି ପରିପ୍ରେକ୍ଷୀରେ ପ୍ରାର୍ଥୀ ପତ୍ର ଦାଖଲ କରିବାର ଶେଷ ଦିନରେ ନାମାଙ୍କନ ପତ୍ର ଦାଖଲ କଲେ ବିଜେଡି ର ବିଧାୟକ ପ୍ରାର୍ଥୀ ରାଇସେନ ମୁର୍ମୁ ଓ ଡକ୍ଟର ଦେବାଶିଷ ମାର୍ଣ୍ଡି ।ମଙ୍ଗଳବାର ରାଇରଙ୍ଗପୁର ସହର ସ୍ଥିତ ଜଗନ୍ନାଥ ମନ୍ଦିର ଠାରେ ପହଞ୍ଚିଥିଲେ ବିଜେଡି ର ମୟୂରଭଞ୍ଜ ସାଂସଦ ପ୍ରାର୍ଥୀ ସୁଦାମ ମାର୍ଣ୍ଡି, ରାଇରଙ୍ଗପୁର ବିଧାନସଭା ପ୍ରାର୍ଥୀ ରାଇସେନ ମୁର୍ମୁ, ସାରସକଣା ବିଧାନସଭା ପ୍ରାର୍ଥୀ ଡକ୍ଟର ଦେବାଶିଷ ମାର୍ଣ୍ଡି,ଙ୍କ ସମେତ ବିଜେଡି ର ଆଗ ଧାଡ଼ିର ବହୁ ନେତା ଓ ବିଭିନ୍ନ ବ୍ଲକରୁ ଆସିଥିବା ହଜାର ହଜାର କର୍ମୀ।
ସେଠାରୁ ଏକ ବିଶାଳ ଶୋଭାଯାତ୍ରାରେ ବାହାରି ଦୁର୍ଗାମଣ୍ଡପ ଛକରେ ଥିବା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରିବା ପରେ ବାମନଘାଟୀ ଉପଖଣ୍ଡ ଉପଜିଲ୍ଲାପାଳଙ୍କ କାର୍ଯ୍ୟାଳୟ ରାଇରଙ୍ଗପୁର ଠାରେ ପହଞ୍ଚିଥିଲେ। ସେଠାରେ ରାଇରଙ୍ଗପୁର ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥୀ ରାଇସେନ ମୁର୍ମୁ ଓ ସାରସକଣା ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥୀ ଡକ୍ଟର ଦେବାଶିଷ ମାର୍ଣ୍ଡି ନାମାଙ୍କନ ପତ୍ର ଦାଖଲ କରିଥିଲେ। ତେବେ ବିଜେଡି ସରକାର ୨୫ ବର୍ଷ ଶାସନ ଭିତରେ ନାନା ପ୍ରକାର ସୁଚିନ୍ତିତ ଜନକଲ୍ୟାଣକାରୀ ଯୋଜନା ନବୀନ ବାବୁ ପ୍ରଣୟନ କରିଛନ୍ତି | ସେ ମା ଭଉଣୀ ମାନଙ୍କର ଉନ୍ନତି କଥା ହେଉ ଚାଷୀ ଖଟିଖିଆ ମାନଙ୍କ ପାଇଁ ଜନ ହିତକର ଯୋଜନା କରିଛନ୍ତି। ଆଜି ଶିକ୍ଷା, ସ୍ବାସ୍ଥ୍ୟ, ଗମନାଗମନ ଉନ୍ନତି କଥା ଦେଖାଯାଉଥିବା ବେଳେ, ଲୋକେ ମୌଳିକ ସୁବିଧା ପାଇପାରୁଛନ୍ତି | ଏଣୁ ଆଗାମୀ ସାଧାରଣ ନିର୍ବାଚନରେ ବିଜେଡି ଆସିବା ସୁନିଶ୍ଚିତ ବୋଲି ବିଜେଡି ବିଧାନସଭା ପ୍ରାର୍ଥୀ ରାଇସେନ ମୁର୍ମୁ ଓ ଡକ୍ଟର ଦେବାଶିଷ ମାର୍ଣ୍ଡି ମତବ୍ୟକ୍ତ କରିଥିଲେ | ଏ ସରକାର ଆସିଲେ ଲୋକଙ୍କ ଅଭାବ ଅସୁବିଧାକୁ ଆଖି ଆଗରେ ରଖି ଶାସନ କରିବ ବୋଲି ଦୃଢୋକ୍ତି ପ୍ରଦାନ କରିଥିଲେ |