ଗୋପାଳପୁର ଜାତୀୟ ରାଜପଥରେ ସଡ଼କ ଦୁର୍ଘଟଣା, ଦୁଇ ମୃତ ଜଣେ ଗୁରୁତର
ଗୋପାଳପୁର ( ବିପ୍ଲବୀ ପରିକ୍ରମା ):- ଗୋପାଳପୁର ଥାନା ଅନ୍ତର୍ଗତ ଜାତୀୟ ରାଜପଥ ଠାରେ ସଡକ ଦୁର୍ଘଟଣାରେ ଦୁଇ ଜଣ ବ୍ୟକ୍ତି ମୃତ୍ୟୁବରଣ କରିଥିବା ବେଳେ ଜଣେ ଆହତ ହୋଇଛନ୍ତି ଟ୍ରକ ପଛ ପଟକୁ କାର ଧକ୍କା ଦେବା ଫଳରେ ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ହୋଉଥିବା ଜଣା ପଡିଛି. ଭୁବନେଶ୍ୱରର ଜଣେ ଯୁବକ ଆହତ ହୋଇଥିବା ବେଳେ ଛତ୍ରପୁର ଅଞ୍ଚଳର ରାଜୁ ପ୍ରଧାନ ଓ ଦିଲେଶ୍ୱର ରେଡ୍ଡୀଙ୍କ ମୃତ୍ୟୁ ହୋଇଥିବା ଜଣା ପଡିଛି. କାର ଯୋଗେ ବ୍ରହ୍ମପୁର ଗୋଇଲୁଣ୍ଡି ଅଞ୍ଚଳକୁ ଏକ ଭୋଜି କାର୍ଯ୍ୟକ୍ରମରେ ଯୋଗ ଦେବାକୁ ଆସୁଥିବା ବେଳେ ଏଭଳି ଦୁର୍ଘଟଣା ଘଟିଥିବା କୁହାଯାଉଛି. ଟ୍ରକଟି ଘଟଣାସ୍ଥଳରୁ ଚମ୍ପଟ ମାରିଥିବା ବେଳେ ଗୋଳନ୍ଥରା ନିକଟରେ ଗୋଳନ୍ଥରା ପୁଲିସ ଟ୍ରକଟିକୁ କାବୁ କରିଛି. ଟ୍ରକ ଡ୍ରାଇଭର ଫେରାର ହୋଇ ଯାଇଛି. ପୁଲିସ ଘଟଣାର ଅଧିକ ତଦନ୍ତ କରୁଛି l