କରଞ୍ଜିଆ ( ବିପ୍ଲବୀ ପରିକ୍ରମା ଡିଜିଟାଲ ):- କରଞ୍ଜିଆ ୟୁଥ୍ ରେଡକ୍ରସ୍ ଓ RRC ସହିତ ପୋଲିସ୍ ସହଯୋଗ ରେ ସଡକ ସୁରକ୍ଷା ମାସ ପାଳିତ ହୋଇଯାଇଛି । ଏହି ଅବସରରେ ଏକ ସଚେତନତା ସଭାଯାତ୍ରା ଅନୁଷ୍ଠିତ ହୋଇଯାଇଛି । ଏହି ସଭାଯାତ୍ରା ସ୍ଥାନୀୟ ଅଙ୍କୁରା ଛକ ନିକଟରୁ ବାହାରି ନୂଆଁ ବସଷ୍ଟାଣ୍ଡ, ମାଣିକ ଛାକ ହୋଇ କରଞ୍ଜିଆ ଥାନା ପରିସରରେ ସମାପ୍ତ ହୋଇଥିଲା। ଏହି ଶଭାଯାତ୍ରାରେ ଲୋକ ମାନଙ୍କୁ ସଡକ ସୁରକ୍ଷା,ହେଲମେଟ ପିନ୍ଧି ଗାଡି ଚଳାଇବା,ମଦ୍ୟପାନ କରି ଗାଡି ନଚଲାଇବା ଏବଂ ଓଭରଲୋଡିଂ ଉପରେ ଛାତ୍ରୀ ମାନେ ସଚେତନ ବାର୍ତ୍ତା ଦେଇଥିଲେ । ଏହି ସଡ଼କ ସୁରକ୍ଷା ସଚେତନତା ଶଭାଯାତ୍ରାରେ ଉପଖଣ୍ଡ ପୋଲିସ୍ ଅଧିକାରୀ ସୁବ୍ରତ କୁମାର୍ ଏଵଂ ଥାନା ଅଧିକାରୀ ନିରଦ୍ କୁମାର୍ ମଲ୍ଲିକ ଉପସ୍ଥିତ ଥିଲେ। ତେବେ ପୂର୍ବରୁ ଜାନୁଆରୀ ୧ ତାରିଖରୁ ୭ତାରିଖ ପର୍ଯ୍ୟନ୍ତ ଏକ ସପ୍ତାହ ଧରି ସଡକ ସୁରକ୍ଷା ସପ୍ତାହ ପାଳନ କରାଯାଉଥିଲା କିନ୍ତୁ ଚଳିତ ବର୍ଷ ଏକ ମାସ ଧରି ସଡକ ସୁରକ୍ଷା ମାସ ପାଳନ କରାଯିବା ନେଇ ଜଣା ପଡ଼ିଛି।