ଗଜପତି ( ବିପ୍ଲବୀ ପରିକ୍ରମା ):- ବ୍ଲକ ସ୍ତରୀୟ ୠଷି ଶୃଙ୍ଗ ମହୋତ୍ସବ ନିମନ୍ତେ ମଶାଲ ଶୋଭାଯାତ୍ରା ଅନୁଷ୍ଟିତ ହୋଇଯାଇଛି । ଗଜପତି ଜିଲ୍ଲା ନୂଆଗଡ଼ ମିନି ଷ୍ଟାଡିୟମ ଠାରେ ମଙ୍ଗଳ ବାର ଏବଂ ବୁଧବାର ଦୁଇଦିନ ଧରି ବ୍ଲକ ସ୍ତରୀୟ ୠଷି ଶୃଙ୍ଗ ଗଜପତି ମହୋତ୍ସବ ଅନୁଷ୍ଟିତ ହେବ। ଏହି ଅବସରରେ ଆଜି ନୂଆଗଡ଼ ଠାରେ ମଶାଲ ଶୋଭାଯାତ୍ରା ଅନୁଷ୍ଟିତ ହୋଇଯାଇଛି। ମସାଲ ଧରି ବ୍ଲକ କାର୍ଯ୍ୟାଳୟ ଠାରୁ ବାହାରି ବଜାର ପରିକ୍ରମା କରି ଷ୍ଟାଡିୟମ ପହଞ୍ଚିଥିଲେ । ଏହି କାର୍ଯ୍ୟ କ୍ରମରେ ବିଡିଓ ଲୋକନାଥ ଶବର, ତହସିଲଦାର ପ୍ରଫୁଲ୍ଲ ଚନ୍ଦ୍ର ଡାକୁଆ, ବ୍ଲକ ଅଧ୍ୟକ୍ଷା ମାଳତୀ ପ୍ରଧାନ, ସ୍ଥାନୀୟ ସରପଞ୍ଚ ସରୋଜିନି ରଇତ, ସମିତି ସଭ୍ୟ ସଚିତା ଭୂୟାଁଙ୍କ ସମେତ ବ୍ଲକର ସମସ୍ତ ବିଭାଗୀୟ କର୍ମଚାରୀ, ସ୍ଥାନୀୟ ଯୁବକ ଉପସ୍ଥିତ ରହି ଏହାକୁ ବହୁ ଆଡ଼ମ୍ବର ସହକାରେ ଶୋଭାଯାତ୍ରା କରିଥିଲେ। ବ୍ଲକ ସ୍ତରୀୟ ୠଷି ଶୃଙ୍ଗ ଗଜପତି ମହୋତ୍ସବ ରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଟିତ ହେବାର ରହିଛି। ଏଥିରେ ବ୍ଲକର ଗ୍ରାମାଞ୍ଚଳରେ ଛାତ୍ର ଛାତ୍ରୀ ମାନଙ୍କ ଦ୍ଵାରା ଦଳଗତ ନାଚ,ଗୀତ ସହ ଆଦିବାସୀ ପାରମ୍ପରିକ ନୃତ୍ୟ, ଓଡ଼ିଶାର ବିଶିଷ୍ଟ ଗାୟକ ଗାୟିକା , ହାସ୍ୟ ଅଭିନେତା ମାନେ ଯୋଗ ଦେବାର କାର୍ଯ୍ୟକ୍ରମ ରହିଛି।