ବାରିପଦା (ବିପ୍ଲବୀ ପରିକ୍ରମା):- ଧୁମଧାମ ର ସହ ନାଚ ଗୀତର ତାଳେ ତାଳେ କୋମଳମତି ଫୁଲ ସଦୃଶ କୁନିକୁନି ପିଲାମାନଙ୍କୁ ନେଇ ବାରିପଦା ୱାଲିଗଞ୍ଜ ଏବଂ ମୁର୍ଗାବାଡି ସ୍ଥିତ ଶାନ୍ତି ବିଦ୍ୟା ମନ୍ଦିର ବିଦ୍ୟାଳୟର ୨୪ତମ ବାର୍ଷିକ ଉତ୍ସବ“ପ୍ରତିବିମ୍ବ-୨୦୨୪”ସ୍ଥାନୀୟ ସହିଦ ସ୍ମୃତି ଭବନ ଠାରେ ଅନୁଷ୍ଠିତ ହୋଇଯାଇଛି।ବିଦ୍ୟାଳୟର ଅଧ୍ୟକ୍ଷା ମଧୁସ୍ମିତା ପଟ୍ଟନାୟକଙ୍କ ସଭାପତିତ୍ଵ ଓ ବିଦ୍ୟାଳୟର ସମ୍ପାଦକ ରବୀନ୍ଦ୍ର ନାଥ ଦାଶ ଙ୍କ ପୌରହିତ୍ବରେ ଅନୁଷ୍ଠିତ ଉଦ୍ଘାଟନୀ ସମାରୋହରେ ମୁଖ୍ୟ ଅତିଥ୍ ଭାବେ ଡେପୁଟି କଲେକ୍ଟର, ମୟୂରଭଞ୍ଜ ସୁଶ୍ରୀ ଶ୍ରଦ୍ଧା ସୁମନ ଯୋଗଦେଇଥିବା ବେଳେ ସମ୍ମାନିତ ଅତିଥ୍ ଭାବେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ, ମୟୂରଭଞ୍ଜ ଅବିନାଶ ପାଣି ଯୋଗଦେଇଥିଲେ।ଅତିଥି ଗଣ ନିଜ ଅଭିଭାଷଣରେ କୁନି କୁନି ପିଲାମାନଙ୍କୁ ବହୁ ସୁନ୍ଦର ସୁନ୍ଦର କଥା କହିଥିଲେ।
ତତ୍ପରେ ମଞ୍ଚ ଉପରେ ବିଦ୍ୟାଳୟରେ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ପିଲା ଏବଂ ଅଭିଭାବକ ମାନଙ୍କୁ ପୁରସ୍କୃତ କରିଥିଲେ।ଶେଷରେ ଶିକ୍ଷକ,ଅଭିଭାବକ ଏବଂ ଛୋଟ ଛୋଟ ପିଲାମାନଙ୍କର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଏହି ସାଂସ୍କୃତିକ କାର୍ଯକ୍ରମ ରେ ବିଦ୍ୟାଳୟର ସମସ୍ତ ଶିକ୍ଷୟତ୍ରୀ,ବିଦ୍ୟାଳୟ ପରିଚାଳନା କମିଟିର ସଦସ୍ୟ ମାନେ ସହଯୋଗ କରିଥିଲେ।ତେବେ ଏଭଳି କାର୍ଯ୍ୟକ୍ରମର ମୁଖ୍ୟ ଉଦେଶ୍ୟ ଛାତ୍ରଛାତ୍ରୀ ଏବଂ ଅଭିଭାବକ ମାନଙ୍କ ମଧ୍ୟରେ ମିଶିବାର ପ୍ରୟାସ ବୋଲି ବିଦ୍ୟାଳୟର ଅଧ୍ୟକ୍ଷା କହିଛନ୍ତି।