ଭଂଜନଗର ( ବିପ୍ଲବୀ ପରିକ୍ରମା ):– ଜଙ୍ଗଲ ଭିତରେ ମହିଳାଙ୍କୁ ଗୁଳିମାଡ ହୋଇଛି । ଭଂଜନଗର ଥାନା ଅନ୍ତର୍ଗତ ବେଡିଗୋବା ଗାଁ ନିକଟର ଏଭଳି ଘଟଣା ଦେଖିବାକୁ ମିଳିଛି । ଗୁଳିମାଡ଼ ରେ ମହିଳା ଜଣକ ଗୁରୁତର ଆହତ ହୋଇଥିବା ଜଣାପଡିଛି । ତେବେ ଚିକିତ୍ସା ପାଇଁ ଭଂଜନଗର ମେଡିକାଲରେ ଭର୍ତ୍ତି ହୋଇଛନ୍ତି । ଆହତ ମହିଳା ଜଣକ ହେଲେ ସ୍ବପ୍ନା ସାହୁ । ଜଙ୍ଗଲ କୁ ପତ୍ର ତୋଳିବାକୁ ଯାଇଥିବାବେଳେ , ଗୁଳିମାଡ଼ ହୋଇଥିବା ନେଇ ପରିବାର ଲୋକେ ଦେଲେ ସୂଚନା । କିଏ ଗୁଳି ମାରିଛି , ତାହା ଏପର୍ଯ୍ୟନ୍ତ ଅସ୍ପଷ୍ଟ । ପ୍ରାଥମିକ ଚିକିତ୍ସା ପରେ ଆହତ ମହିଳାଙ୍କୁ ବ୍ରହ୍ମପୁର ମେଡ଼ିକାଲକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି । ମେଡିକାଲରେ ପହଞ୍ଚି , ଭଂଜନଗର ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ସୂଚନା ମିଳିଛି l