ଗଞ୍ଜାମ ( ବିପ୍ଲବୀ ପରିକ୍ରମା ):- ଦକ୍ଷିଣ ଓଡ଼ିଶାର ଅଧିଷ୍ଠାତ୍ରୀ ଦେବୀ ମା ତାରାତାରିଣୀଙ୍କ ପାଦଦେଶରେ ଥିବା ଏକ ଘରୋଇ ହୋଟେଲ ରେ ପୋଲାସରା ନିର୍ବାଚନ ମଣ୍ଡଳୀ ର ସମାଜସେବୀ ସୁଶ୍ରୀ ଆରତୀ ଦେବୀଙ୍କ ନେତୃତ୍ବରେ ଏକ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସ୍ଥାନୀୟ ନିର୍ବାଚନ ମଣ୍ଡଳୀ ରେ ମହିଳାମାନଙ୍କ ଆର୍ଥିକ ସ୍ୱାବଲମ୍ବୀ ଓ ସାମାଜିକ ପରିବର୍ତ୍ତନ, ସର୍ବକନିଷ୍ଠ ସରପଞ୍ଚ, ବୃକ୍ଷ ରୋପଣ କାର୍ଯ୍ୟ ଭଳି ଅନେକ ସମାଜସେବା କ୍ଷେତ୍ରରେ କାର୍ଯ୍ୟକ୍ରମ କରି ବିଭିନ୍ନ ସ୍ଥାନରେ ପୁରସ୍କୃତ ହେବା ସହ ସିଏନ୍ ବିସି ୧୮ ଚ୍ୟାନେଲ ପକ୍ଷରୁ ଅଗ୍ରଣୀ ମହିଳା ଶ୍ରେଷ୍ଠ ମହିଳା ସମ୍ମାନ ରେ ସମ୍ମାନିତ ହୋଇଛନ୍ତି।
ସ୍ଥାନୀୟ ନିର୍ବାଚନ ମଣ୍ଡଳୀ ରେ ଘର କୁ ଘର ଯାଇ ରାଜ୍ୟ ସରକାରଙ୍କ ବିଭିନ୍ନ ଜନହିତକର ଯୋଜନା ବିଷୟରେ ସଚେତନତା କରିବା ସହ ଗରିବ ଓ ମହିଳା ମାନଙ୍କ ପାଇଁ କାର୍ଯ୍ୟ କରୁଥିବା କହିଛନ୍ତି। ଦୀର୍ଘ ବର୍ଷ ଧରି ବିଜୁ ଜନତା ଦଳ ର ଜଣେ ଶୃଙ୍ଖଳିତ କର୍ମୀ ଭାବେ ଦୀର୍ଘ ବର୍ଷ ହେଲା କାର୍ଯ୍ୟ କରୁଛି, ଆଗାମୀ ସାଧାରଣ ନିର୍ବାଚନ ୨୦୨୪ ରେ ବିଜେଡି ପକ୍ଷରୁ ପୋଲାସରା ନିର୍ବାଚନ ମଣ୍ଡଳୀ ରେ ନିର୍ବାଚନ ଲଢ଼ିବା ପାଇଁ ଆଶାବାଦୀ ବୋଲି କହିଛନ୍ତି । ବିଜେଡି ସୁପ୍ରିମୋ ନବୀନ ପଟ୍ଟନାୟକ ଓ ସାଙ୍ଗଠନିକ କର୍ମକର୍ତ୍ତା ତାଙ୍କ ଉପରେ ବିଶ୍ବାସ ରଖିଛନ୍ତି। ମା ତାରାତାରିଣୀ ହେଉଛନ୍ତି ଆମର ଇଷ୍ଟଦେବୀ ଏଣୁ ଏହି ପୀଠ ରେ ପୋଲାସରା ନିର୍ବାଚନ ମଣ୍ଡଳୀ ର ବିଭିନ୍ନ ପଞ୍ଚାୟତ ପ୍ରତିନିଧିଙ୍କୁ ନେଇ ଏକ ବନ୍ଧୁମିଳନ କାର୍ଯ୍ୟକ୍ରମ ମଙ୍ଗଳବାର ଅପରାହ୍ନରେ କରିଛି।
ଏହି ବନ୍ଧୁମିଳନ କାର୍ଯ୍ୟକ୍ରମ ରେ ଆଇନଜୀବି ପବିତ୍ର କୁମାର ନାୟକ, କାହ୍ନୁ ସାହୁ, ପୂର୍ବତନ ସରପଂଚ ପଦ୍ମଚରଣ ଜେନା, ଅଚ୍ୟୁତ ସ୍ବାଇଁ, ଯୁବନେତା ବିଦେଶୀ ଗୈାଡ, ରାମଚନ୍ଦ୍ର ବାରିକ, ସମୀର ନାହାକ,ଟୁଟୁ ସାହୁ, ଅରୁଣ ଜେନା, ସୁରେନ୍ଦ୍ର କରଣ ସମେତ ଶତାଧିକ କର୍ମୀ ଉପସ୍ଥିତ ଥିଲେ।