ଆସିକା ( ବିପ୍ଲବୀ ପରିକ୍ରମା ଡିଜିଟାଲ ):- ଆସିକା ରେ ଅନୁଷ୍ଠିତ ରାଜ୍ୟ ସ୍ତରୀୟ କବାଡି ପ୍ରତିଯୋଗିତାର ଫାଇନାଲ ମ୍ୟାଚ ରେ ପୁରୁଷ ବିଭାଗ ରେ କଟକ ଦଳ ଏବଂ ମହିଳା ବିଭାଗ ରେ କିଟସ ଇଣ୍ଟେରନ୍ୟସାଲ ଭୁବନେଶ୍ୱର ବିଜୟୀ ହୋଇଛନ୍ତି l
ଗଞ୍ଜାମ ଜିଲ୍ଲା ଆସିକା ହରିହର ହାଇସ୍କୁଲ ମିନି ଷ୍ଟାଡିଅମ ରେ ଅନୁଷ୍ଠିତ ତିନି ଦିନିଆ ୭୨ ତମ ରାଜ୍ୟ ସ୍ତରୀୟ ବରିଷ୍ଠ କବାଡି ପ୍ରତିଯୋଗିତା ସମାପ୍ତ ହୋଇଛି l ଶେଷ ଦିବସରେ ଆସିକା ର ବିଧାୟକଙ୍କ ସରୋଜ କୁମାର ପାଢ଼ୀ ଏନ ଏ ସି ଅଧକ୍ଷା ବିନେତା ସ୍ୱାଇଁ, ଆସିକା ଥାନା ଅଧିକାରୀ ରାଜେନ୍ଦ୍ର ପ୍ରସାଦ ପଟନାୟକ,ଉପାଧକ୍ଷା ଜୟନ୍ତୀ ବିଷୋୟୀ,ଏନ ଏ ସି କାର୍ଯ୍ୟ ନିର୍ବାହୀ ଅଧିକାରୀ ଲୋକନାଥ ବେଜ, , କାର୍ଯ୍ୟକାରି ସଭାପତି ଶିବ ନାୟକ, ଉପ ସଭାପତି ସତ୍ୟନାରାୟଣ ସ୍ୱାଇଁ, ଅନିଲ ପରିଡା,ପ୍ରମୁଖ ଉପସ୍ଥିତ ରହିଥିଲେ l
ଆଜି ରୋମାଞ୍ଚକର ଫାଇନାଲ ମ୍ୟାଚ ରେ ମହିଳା ବିଭାଗ କିଟସ ଇଣ୍ଟରନ୍ୟାଶନାଲ ଭୁବନେଶ୍ୱର ଦଳ ଓଡିଶା ପୋଲିସ କୁ ୩୭-୨୮ ରେ ପରାସ୍ତ କରି ଚମ୍ପିୟାନ ହୋଇଛି l ସେହିପରି ପୁରୁଷ ବିଭାଗରେ ମଧ୍ୟ ଭୁବେନେଶ୍ୱର ଦଳକୁ ୧୬-୩୨ ରେ ପଛରେ ପକାଇ କଟକ ଦଳ ବିଜେତା ହୋଇଛି l ପୁରୁଷ ଏବଂ ମହିଳାର ବିଜେତା ଦଳ କୁ ଅତିଥି ମାନଙ୍କ ଦ୍ୱାରା ନଗଦ ୨୦ ହଜାର ଟଙ୍କା ଏବଂ ଏକ ସୁନ୍ଦର ଟ୍ରଫି ଓ ସାଇକେଲ ପ୍ରଦାନ କରାଯାଇଛି l
ଉପ ବିଜେତା ପୁରୁଷ ବିଭାଗ ର ଭୁବନେଶ୍ୱର ଏବଂ ମହିଳା ବିଭାଗ ର ଓଡିଶା ପୋଲିସ ଦଳ କୁ ୧୦ ହଜାର ଏବଂ ଟ୍ରଫି, ସହ ସାଇକେଲ ପ୍ରଦାନ କରାଯାଇଛି l ସେହିଭଳି ପୁରୀ ଓ ସମ୍ବଲପୁର ଦଳକୁ ତୃତୀୟ ଏବଂ ଚତୁର୍ଥ ଦଳ ରୂପେ ସଂମାନ୍ନୀତ କରାଯାଇଛି l
