ମାଲକାନଗିରି ( ବିପ୍ଲବୀ ପରିକ୍ରମା ):- ମାଲକାନଗିରି ଜିଲ୍ଲାପାଳଙ୍କ କାଯ୍ୟାଳୟ ଠାରୁ ଆରମ୍ଭକରି ଡି ଏନ କେ ଛକ ପଯ୍ୟନ୍ତ ଆନନ୍ଦ ଉଲ୍ଲାସରେ ଭରିଯାଇଥିଲା ପଥ ଉତ୍ସବ। ମାଲ୍ୟବନ୍ତ ମହୋତ୍ସବ ନେଇ ଏହି ପଥ ଉତ୍ସବର ଆୟୋଜନ ହୋଇଯାଇଛି। ଅତିରିକ୍ତ ଜିଲ୍ଲାପାଳ ଶ୍ରୀ ବେଦବର ପ୍ରଧାନ ଓ ତ୍ରିନାଥ ମାଝି ଯୋଗ ଦେଇ ଏହାକୁ ଶୁଭାରମ୍ଭ କରିଥିବା ବେଳେ ମଞ୍ଚରେ ଉପଜିଲ୍ଲାପାଳ ଶ୍ରୀ ଅକ୍ଷୟ କୁମାର ଖେମୁଣ୍ଡୁ, ଏସ ଡି ପି ଓ ସଚିନ ପଟେଲ ସହ ଅନ୍ୟାନ୍ୟ ଅତିଥି ବୃନ୍ଦ ଉପସ୍ଥିତ ଥିଲେ । ଏହି ଅବସରରେ କୌତୁକ ପୋଷାକ ଓ ରଙ୍ଗୋଲି ପ୍ରତିଯୋଗିତା ଆୟୋଜନ କରାଯାଇଥିଲା। ଏହି ଉତ୍ସବ ରେ ମଞ୍ଚ ଉପରେ ଗୀତ, ନୃତ୍ୟ ଗୀତ ଓ ନାଟକ ପରିବେଷଣ ଦ୍ୱାରା ଦର୍ଶକଙ୍କ ମନରେ ଖୁସିର ଲହରି ଖାଲିଯାଇଥିଲା । ଛୋଟ ଛୋଟ ପିଲାମାନଙ୍କ ଦ୍ୱାରା ବିଭିନ୍ନ କଳା ପଦର୍ଶନ ସହ ଜୁଡୋ ଉପରେ ଶିକ୍ଷା ଦିଆ ଯାଇଥିଲା।ଏଠାରେ ସ୍ବତନ୍ତ୍ର ଆକର୍ଷଣ ଥିଲା ବିଏସଏଫର ଡଗ୍ ସୋ ଏବଂ ଅସ୍ତ୍ରଶସ୍ତ୍ର ପ୍ରଦର୍ଶନୀ। ସ୍କେଟିଂ, ଫୁଟବଲ୍, ଧନୁତୀର ଚାଳନା, ଯୋଗ , ଝୋଟି ସହ ମାଗଣା ରେ ସ୍ଵାସ୍ଥ୍ୟ ପରୀକ୍ଷା କରାଯାଇଥିଲା। ଏହି ଉତ୍ସବ ରେ ଜିଲ୍ଲା ର ସମସ୍ତ ବିଦ୍ୟାଳୟ ଏବଂ ମହାବିଦ୍ୟାଳୟ ସାମିଲ ହୋଇଥିଲେ। ଅନ୍ୟମାନଙ୍କ ମଧ୍ୟରେ ଜିଲ୍ଲା ସଂସ୍କୃତି ଅଧିକାରୀ ସମେତ ଜିଲ୍ଲାର ବୁଦ୍ଧିଜୀବି, ବିଭିନ୍ନ ସାଂସ୍କୃତିକ ସଂଗଠନ, ଏନସିସି ଦଳ, ସ୍ଵେଚ୍ଛାସେବୀ ଅନୁଷ୍ଠାନ ଓ ଗଣମାଧ୍ୟମ ର ପ୍ରତିନିଧି ସାମିଲ ହୋଇଥିଲେ। ମାଲକାନଗିରି ଜିଲ୍ଲାରୁ ହୃଷୀକେଶ ସେଠୀ l