ଗଞ୍ଜାମ ( ବିପ୍ଲବୀ ପରିକ୍ରମା ଡିଜିଟାଲ ):- ଗଞ୍ଜାମ ଜିଲ୍ଲା ବ୍ରହ୍ମପୁର ସଦର ଥାନା ଅନ୍ତର୍ଗତ ଅଲାରିଗଡ ଗ୍ରାମ ନିକଟ ପାହାଡ ଉପରୁ ପ୍ରେମୀ ଯୁଗଳ ଙ୍କ ଝୁଲନ୍ତା ମୃତ ଦେହ ରହିଥିବା ଦେଖିବାକୁ ମିଳିଛି l ମୃତକ ମହିଳା ଜଣଙ୍କ ହେଲେ ପାଟପୁର ଥାନା ଅନ୍ତର୍ଗତ ପାଟପୁର ଗ୍ରାମର ସନ୍ତୋଷ ସାହୁଙ୍କ ସ୍ତ୍ରୀ ସୁମିତ୍ରା ସାହୁ ଓ ପୁରୁଷ ଜଣଙ୍କ ହେଲେ ପାଟପୁର ଥାନା ରାଧାଦେଈପୁର ଗ୍ରାମର ସିମାଞ୍ଚଳ ସାହୁ ଙ୍କ ପୁଅ ରାଜେନ୍ଦ୍ର ସାହୁ l ଉଭୟ ପ୍ରେମୀଯୁଗଲ ଗତ ଡିସେମ୍ବର ମାସ ୧୯ ତାରିଖରେ ନିଖୋଜ ଥିବା ଜଣାପଡିଛିl ଏନେଇ ସୁମିତ୍ରା ସାହୁ ଙ୍କ ସ୍ବାମୀ ଓ ରାଜେନ୍ଦ୍ର ସାହୁଙ୍କ ସ୍ତ୍ରୀ ପାଟପୁର ଥାନାରେ ନିଖୋଜ ରିପୋର୍ଟ ଦେଇଥିଲେ l ଉଭୟ ଙ୍କ ୩ ଟି ଛୁଆ ଥିବା ବେଳେ ଉଭୟ ଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା। କିଛି ଦିନ ହେଲା ଉଭୟ ଫେରାର ଥିବା ନେଇ ଅଞ୍ଚଳରେ ଆଲୋଚନା ହେଉଥିବା ବେଳେ ଗୁରୁବାର ଅଲାରିଗଡ ଗ୍ରାମ ପାହାଡ ରେ ଝୁଲନ୍ତା ଅବସ୍ଥାରେ ମୃତ ଦେହ ଥିବା ଦେଖିବାକୁ ମିଳିଛି l ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ କୁ ଜବତ କରି ତଦନ୍ତ ଆରମ୍ଭ କରିଛି।