(ଗଜପତି);ଗଜପତି ଜିଲ୍ଲା ନୂଆଗଡ଼ ବ୍ଲକ ଅନ୍ତର୍ଗତ ବଡ଼ପଦା ଗ୍ରାମର ସୁଲତା ରାଉଳଙ୍କ ଗୃହ ପ୍ରବେଶ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଗୃହ ପ୍ରବେଶ ଉତ୍ସବରେ ସ୍ଥାନୀୟ ବିଡିଓ ଲୋକନାଥ ଶବର, ଏଇଇ ପ୍ରଦୁମ୍ନ କୁମାର ଦାସ, ପିଇଓ ସନ୍ତୋଷ ସାହୁ, ସରପଞ୍ଚ ପ୍ରିୟଙ୍କା ପାଣି, ସମିତି ସଭ୍ୟ ମାନୁଏଲ ଛିଞ୍ଚାଣୀ, ୱାର୍ଡ ସଭ୍ୟା ସଲ୍ଫା ରାଣୀ ଛିଞ୍ଚାଣୀ,ପେଶା ବ୍ଲକ ସଂଯୋଜକ ଦାନକ୍ରୀତ ଛିଞ୍ଚାଣୀ ପ୍ରମୁଖ ଉପସ୍ଥିତ ଥିଲେ। ସରକାରୀ ରୀତିନୀତି ଅନୁଯାୟୀ ପରିବାରକୁ ଗୃହ ମଧ୍ୟରେ ପ୍ରବେଶ କରା ଯାଇଥିଲା। ଏହି ପରିବାରକୁ ୨୦୨୩-୨୪ ଆର୍ଥିକ ବର୍ଷରେ ପ୍ରଧାନ ମନ୍ତ୍ରୀ ଆବାସ ଯୋଜନାରେ ଘର ନିର୍ମାଣ ନିମନ୍ତେ ଅର୍ଥ ମଞ୍ଜୁର ହୋଇଥିଲା। ସେହି ଅର୍ଥରେ ଗୃହ ନିର୍ମାଣ କରି ଗୃହ ପ୍ରବେଶ ଉତ୍ସବ ମାଧ୍ୟମରେ ନୂତନ ଭାବେ ପରିବାର ନୂତନ ଗୃହ ମଧ୍ୟରେ ପ୍ରବେଶ କରିଥିବା କହିଛନ୍ତି ପରିବାର।