ପୋଲସରା ( ବିପ୍ଲବୀ ପରିକ୍ରମା ):- ଗଞ୍ଜାମ ଜିଲ୍ଲା ପୋଲସରା ସହର ତୋଟା ସାହିରେ ଗୁରୁବାର ପୂର୍ବାହ୍ନ ପ୍ରାୟ ୧୦.୩୦ ମିନିଟ ସମୟରେ ଏକ ଗୁଳିକାଣ୍ଡ ଘଟିଛି |ଏହି ଗୁଳିକାଣ୍ଡ ରେ ଜଣେ ଯୁବକ ଆହତ ହୋଇଛନ୍ତି |ଯୁବକ ଜଣକ ହେଲେ ପୋଲସରା ମଠ ସାହିର ଗଣେଶ ଖଟେଇ (୨୫)ଏହି ଗୁଳିକାଣ୍ଡ ପୂର୍ଵ ଶତ୍ରୁତା କୁ କେନ୍ଦ୍ର କରି ଘଟିଥିବା ପୋଲିସ ସୂଚନା ପ୍ରଦାନ କରିଛି |ସୂଚନା ଯୋଗ୍ୟ ଯେ ଗଣେଶକୌଣସି କାମ ରେ ତୋଟା ସାହିକୁ ଯାଇ ଫେରିବା ବେଳେ ପୂର୍ଵ ରୁ ଯୋଜନା ବଧ ଭାବେ ପ୍ରସ୍ତୁତ ହୋଇ ବାଇକରେ ଆସି ତୋଟା ସାହି ସ୍ଥିତ ଟେଲିଫୋନ ଏକ୍ସଚେଞ୍ଜ ଅଫିସ ଆଗରେ ଅଭିଯୁକ୍ତ ମାନେ ବାଇକରେ ଆସି ଗଣେଶ ର ମୁଣ୍ଡକୁ ଲକ୍ଷ କରି ଦୁଇ ରୁ ତିନି ରାଉଣ୍ଡ ଗୁଳି ଫୁଟାଇ ଥିଲା |ସୌଭାଗ୍ୟ କ୍ରମେ ଗୁଳି ଗୁଡିକ ଗଣେଶ ର ମୁଣ୍ଡରେ ନ ବାଜି ଖସିଯାଇ ଡାହାଣ କାନ ରେ ଗୁଳିଟି ବାଜି ଚାଲିଯାଇଥିଲା|କାନରୁ ପ୍ରଚୁର ରକ୍ତସ୍ରାବ ହୋଇଥିଲା |
ଗୋଟିଏ ପଟେ ଘଟଣା ସ୍ଥଳ ରୁ ଅଭିଯୁକ୍ତ ମାନେ ଫେରାର ହୋଇଥିବା ବେଳେ ଅନ୍ୟପଟେ ଆହତ ଗଣେଶକୁ ନିକଟସ୍ଥ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଚିକିତ୍ସା ଲାଗି ନିଆ ଯାଇଥିଲା |ସେଠାରେ ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ମେଡିକାଲ କୁ ସ୍ଥାନାନ୍ତର କରାଯାଇଛି |ଖବରପାଇ ଏସ ଡି ପି ଓ ରଜନୀ କାନ୍ତ ସାମଲ, ପୋଲସରା ଥାନାଧିକାରୀ କୌଶିକ ମାଝି ଘଟଣା ସ୍ଥଳରେ ପହଂଚି ଦୁଇଟି ବାଇକ, ଗୋଟିଏ କଳା ରଙ୍ଗ ର ମାସ୍କ, ମାଟିଆ ରଙ୍ଗର ଦୁଇଟି ଚପଲ, ତିନୋଟି ଗୁଳିର ଖୋକା ଆଦି ଜବତ କରିଛି|ଖବର ଲେଖାଯିବା ସୁଦ୍ଧା ଥାନାରେ କୌଣସି ଏତଲା ହୋଇନଥିବା ଏସ ଡି ପି ଓ ସାମଲ ସୂଚନା ପ୍ରଦାନ କରିଥିଲେ |ପୋଲିସ ଖବର ପାଇ ତଦନ୍ତ ଚଳାଇଛି |