ବଡ଼ବିଲ ( ବିପ୍ଲବୀ ପରିକ୍ରମା ):-: ମଙ୍ଗଳବାର ବଡ଼ବିଲ ଥାନା ଅନ୍ତର୍ଗତ ଦାମୁହାଟିଂ ଅଞ୍ଚଳରେ ସ୍ପେସାଲ ସ୍କ୍ୱାର୍ଡ ଅତର୍କିତ ଚଢ଼ାଉ କରି ୫୫୫ ଲିଟର ଚୋରା ଡିଜେଲ ଜବତ କରିବା ସହ କୁଲୱିନ୍ଦର୍ ସିଂ ଓରଫ ମିଠୁ ନାମକ ବ୍ୟକ୍ତିଙ୍କୁ ଗିରଫ କରି ବୁଧବାର କୋର୍ଟ ଚାଲାଣ କରିଛି।
ସୂଚନାରୁ ପ୍ରକାଶ ଯେ ଅଭିଯୁକ୍ତ ମିଠୁ ଦୀର୍ଘ ଦିନରୁ ଏହି ଚୋରା ତେଲ କାରବାର କରି ଆସୁଥିବା ବେଳେ ପୋଲିସ ପଞ୍ଝାରୁ ବଞ୍ଚି ଯାଉଥିଲା। ମାତ୍ର ମଙ୍ଗଳବାର ସ୍ପେସାଲ ସ୍କ୍ୱାର୍ଡ ବଲାଣି,ନାଲଦା ଓ ବଡ଼ବିଲ ଅଞ୍ଚଳର ବିଭିନ୍ନ ସ୍ଥାନରେ ଚଢାଉ କରିଥିଲା। ସେହି କ୍ରମରେ କୌଣସି ସୂତ୍ରରୁ ଖବର ପାଇ ସ୍କ୍ୱାର୍ଡ ଦାମୁହାଟିଂ ସ୍ଥିତ ମିଠୁଙ୍କ ଘରେ ଚଢାଉ କରି ଚୋରା ଡିଜେଲ ଜବତ୍ କରିବା ସହ ଆସାମୀ ମିଠୁଙ୍କୁ ଗିରଫ କରି କୋର୍ଟ ଚାଲାଣ କରିଥିଲା।