ପୁରୀ ( ବିପ୍ଲବୀ ପରିକ୍ରମା ଡିଜିଟାଲ ):- କାର୍ତ୍ତିକ ମାସ ଶେଷ ହେବାକୁ ମାତ୍ର ଆଉ ତିନି ଦିନ ଅଛି, ତେବେ ଆଜି ହେଉଛି ପଞ୍ଚୁକ ବ୍ରତର ଦ୍ୱିତୀୟ ଦିନ । ଶ୍ରୀକ୍ଷେତ୍ର ପୁରୀ ରେ ଲାଗିଛି ଭକ୍ତଙ୍କ ଗହଳି ଚହଳି l ଆଜି ବାଙ୍କଚୁଡା ବେଶରେ ଦର୍ଶନ ଦେବେ ଶ୍ରୀ ମହାବାହୁ । ପ୍ରଥମ ଦିନ ଏକାଦଶୀରେ ମହାପ୍ରଭୁଙ୍କ ଲକ୍ଷ୍ମୀନାରାୟଣ ବେଶ ଦର୍ଶନ ଅନୁଷ୍ଠିତ ହୋଇଥିବା ବେଳେ ଆଜି ପବିତ୍ର କାର୍ତ୍ତିକ ମାସ ଶୁକ୍ଳପକ୍ଷ ଦ୍ଵାଦଶୀ ତିଥିରେ ଭକ୍ତମାନେ ମହାପ୍ରଭୁଙ୍କ ବାଙ୍କଚୁଡା ବେଶ ଦର୍ଶନ କରିବେ । ଭକ୍ତଙ୍କ ଭିଡ ରହିଥିବାରୁ ପ୍ରଶାସନ ପକ୍ଷରୁ ଗହଳି ନିୟନ୍ତ୍ରଣ ପାଇଁ ଲଗାଯାଇଛି ବ୍ୟାରିକେଡ । ତେବେ ପଞ୍ଚୁକର ଦ୍ୱାଦଶୀ ତିଥିରେ ମଧ୍ୟ ଶ୍ରୀକ୍ଷେତ୍ରରେ ଲାଗିଛି ଗହଳିଚହଳି । ହଜାର ହଜାର ଭକ୍ତ ରତ୍ନବେଦୀରେ ଶ୍ରୀଜୀଉଙ୍କ ଚିତ୍ତାକର୍ଷକ ବେଶ ଦର୍ଶନ କରି କୃପାଲାଭ କରିବେ ।