ଗଞ୍ଜାମ ( ବିପ୍ଲବୀ ପରିକ୍ରମା ):- ଗଂଜାମ ଜିଲ୍ଲା ଭଂଜନଗର ନିର୍ବାଚନ ମଣ୍ଡଳୀର ଜଗନ୍ନାଥପ୍ରସାଦ ବ୍ଳକ୍ ରେ “ତ୍ରିରଙ୍ଗା ଶୋଭାଯାତ୍ରା” ଆୟୋଜିତ ହୋଇଯାଇଛି । ସ୍ଥାନୀୟ ବିଧାୟକ ପ୍ରଦ୍ୟୁମ୍ନ କୁମାର ନାୟକଙ୍କ ନେତୃତ୍ବରେ ବହୁ ସଂଖ୍ୟକ କର୍ମୀ ଓ ସମର୍ଥକ ସଂପୃକ୍ତ ବ୍ଳକ୍ ର ଅଢେଇଗାଁ ଠାରୁ ବାଇକ୍ ଶୋଭାଯାତ୍ରାରେ ବାହାରି ଜିରାବାଡି ଗାଁ ନିକଟରେ ପହଞ୍ଚିଥିଲେ । “ ହର୍ ଘର୍ ତ୍ରିରଙ୍ଗା, ଘର୍ ଘର୍ ତ୍ରିରଙ୍ଗା” ନାରା ଦେଇ, ଦେଶ ପାଇଁ ବଳିଦାନ ଦେଇଥିବା ବୀର ମାନଙ୍କ ସ୍ମୃତି ଚାରଣ କରିଥିଲେ । ଏହା ସହ, ଦେଶର ଗୈାରବମୟ ଇତିହାସକୁ ମନେପକାଇ, ଆସନ୍ତା ଅଗଷ୍ଟ ୧୫ ଯାଏଁ ଘରେ ଘରେ ତ୍ରିରଙ୍ଗାକୁ ସମ୍ମାନ ଦେବାପାଇଁ ଆହ୍ୱାନ ଦେଇଥିଲେ । ନିଜେ ବିଧାୟକ ଶ୍ରୀ ନାୟକ ସ୍କୁଟି ଚଳାଇ, ଶୋଭାଯାତ୍ରା ମାଧ୍ୟମରେ ଲୋକଙ୍କ ପାଖରେ “ତ୍ରିରଙ୍ଗା ବାର୍ତ୍ତା” ପହଞ୍ଚାଇ ଥିଲେ ।