ଗଞ୍ଜାମ ( ବିପ୍ଲବୀ ପରିକ୍ରମା ):- ବଣୁଆ ହାତୀ ଆକ୍ରମଣରେ ଦୁଇ ଆହତ । ଗଂଜାମ ଜିଲ୍ଲା ଭଂଜନଗର ମୁଜାଗଡ ବନାଞ୍ଚଳ ଅନ୍ତର୍ଗତ ମହାଗୁଡା ଗାଁ ନିକଟରେ ଘଟିଛି ଏଭଳି ଘଟଣା । ଆହତ ଦୁଇଜଣ ହେଲେ ମହାଗୁଡା ଗାଁର ଦଣ୍ଡପାଣି ଗୈାଡ ଏବଂ ଚିତ୍ରସେନ ସେଠୀ । ଉଭୟେ ଗାଁ ପାଖ ନଦୀରୁ ଗାଧୋଇ ଘରକୁ ଫେରୁଥିବା ବେଳେ, ରାସ୍ତାରେ ଏକ ଦନ୍ତାହାତୀ ସେମାନଙ୍କୁ ଗୋଡେଇ ଗୋଡେଇ ଆକ୍ରମଣ କରିଥିଲା । ଫଳରେ ଉଭୟେ ଆହତ ହୋଇଥିଲେ । ଘଟଣା ସ୍ଥଳରେ ଦଣ୍ଡପାଣି ଗୁରୁତର ଆହତ ହୋଇଥିଲେ । ଉଭୟଙ୍କୁ ସ୍ଥାନୀୟ ଲୋକେ ଏବଂ ବନବିଭାଗ କର୍ମଚାରୀ ମାନେ ଉଧାର କରି ଆମ୍ବୁଲାନ୍ସ ଯୋଗେ ଭଂଜନଗର ମେଡିକାଲ ରେ ଭର୍ତି କରିଥିଲେ । ତେବେ ଦଣ୍ଡପାଣିଙ୍କ ଅବସ୍ଥା ସଂକଟାପନ୍ନ ଥିବାରୁ, ତାଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି । ଭଂଜନଗର ମେଡିକାଲରେ ଅନ୍ୟ ଆହତ ଚିତ୍ରସେନ, ଚିକିତ୍ସିତ ହେଉଛନ୍ତି । ଘଟଣା ସ୍ଥଳରେ ବନବିଭାଗ ପହଞ୍ଚି, ଅନୁଧ୍ୟାନ ଆରମ୍ଭ କରିଛି । ସୂଚନା ପ୍ରକାରେ ଗତ କିଛିଦିନ ହେଲା, ମୁଜାଗଡ ବନାଞ୍ଚଳରେ ୧୮ ଟି କିଆ ହାତୀପଲ ଘୁରି ବୁଲୁଛନ୍ତି । ଖାଦ୍ୟ ଓ ପିଇବା ପାଣି ଅନ୍ବେଷଣରେ ହାତୀପଲ, ଗାଁ ମୁହାଁ ହେଉଛନ୍ତି ।