ବିପ୍ଲବୀ ପରିକ୍ରମା ବ୍ୟୁରୋ :- ଚୌଦ୍ୱାର ନୂଆପାଟଣା ଠାରେ ଲାଲଚାନ୍ଦ ରିସର୍ଟ ପକ୍ଷରୁ ହେବାକୁ ଥିବା ପଞ୍ଚତାରକା ହୋଟେଲ ପାଇଁ ଲାଲଚାନ୍ଦ ଇଡକୋ ଠାରୁ ଜମି ଅଧିଗ୍ରହଣ କରିସାରିଛି । ପାହାଡ଼ ଉପରେ ନିର୍ମାଣ ହେବାକୁ ଥିବା ଏହି ପଞ୍ଚ ତାରକା ହୋଟେଲ ଏବେ ତଳେ ଗ୍ରାମର ଗୋଚର ଜମି ବା ପଶ୍ଚିମ ପଟେ ଥିବା ସ୍କୁଲ ପଡ଼ିଆକୁ ଜୋର୍ ଜବରଦସ୍ତି କରି ପାଚିରି ନିର୍ମାଣ କରୁଛି । ଏ ନେଇ କୌଣସି ଜନଶୁଣାଣି କିମ୍ବା ଗ୍ରାମସଭା କରିନାହାନ୍ତି । ଯାହାକି ଆଇନ ସମ୍ମତ ନୁହେଁ । କିନ୍ତୁ ସେଠାରେ ହୋଟେଲ ନିର୍ମାଣ କରୁଥିବା ବ୍ୟକ୍ତି ଜଣକ ପ୍ରଭାବଶାଳୀ ବ୍ୟକ୍ତି ହୋଇଥିବାରୁ ପ୍ରଶାସନ କୌଣସି କଥା ଶୁଣୁନି ଗ୍ରାମବାସୀଙ୍କ ର । ଏ ନେଇ ଆଜି ଗ୍ରାମର କିଛି ଗ୍ରାମବାସୀ କଟକ ଉପଜିଲ୍ଲାପାଳଙ୍କୁ ଭେଟି ଏକ ଦାବିପତ୍ର ପ୍ରଦାନ କରିବା ସହ ସମସ୍ୟା ବିଷୟରେ ଅବଗତ କରାଇଛନ୍ତି । ଯଦି ଆଗାମୀ ଦିନରେ ସମସ୍ୟାର ସମାଧାନ ନ ହୁଏ ତେବେ ଆଇନ୍ ର ଆଶ୍ରୟ ନେବେ ବୋଲି ଚେତାବନୀ ଦେଇଛନ୍ତି ।