ମୋହନା ( ବିପ୍ଲବୀ ପରିକ୍ରମା ଡିଜିଟାଲ ):- ଗୋରୁ ବୋଝେଇ ଟ୍ରକ କୁ ଅଟକାଇ ପୋଲିସ ର ଜିମା ଦେଲେ ଗ୍ରାମବାସୀ l ଏଭଳି ଘଟଣା ଘଟିଛି ଗଜପତି ଜିଲ୍ଲା ଆର.ଉଦୟଗିରି ଥାନା ରଣ୍ଡିବା ଗାଁରେ l ଆଜି ସକାଳେ ଗୋଟିଏ ଟ୍ରକ ରେ ୨୦ ରୁ ଅଧିକ ଗୋରୁ ବୋଝେଇ ହୋଇ ଯାଉଥିଲା l ଏହି ସମୟରେ ରଣ୍ଡିବା ଗାଁ ଲୋକେ ଟ୍ରକ କୁ ଅଟକାଇ ଥିଲେ l ଟ୍ରକ ରେ ଗୋରୁ ବୋଝେଇ ହୋଇଥିବା ଦେଖି ପୋଲିସ କୁ ଖବର ଦେଇଥିଲେ ଗ୍ରାମବାସୀ l ଏହି ଗୋରୁ ଗଜପତି ଜିଲାରୁ ଆନ୍ଧ୍ର ଚାଲାଣ ହେଉଥିବା ଜଣାପଡିଛି l
ପୋଲିସ ଘଟଣା ସ୍ଥଳରେ ପହଞ୍ଚି ଗୋରୁ ବୋଝେଇ ଟ୍ରକ ଜବତ କରିବା ସହ ଡ୍ରାଇଭର କୁ ଅଟକ ରଖି ତଦନ୍ତ କରୁଛି l ଗଜପତି ଜିଲାରୁ ପ୍ରତିଦିନ ଟ୍ରକ ରେ ଗୋରୁ ଚାଲାଣ ହେଉଥିବା ନଜିର ରହିଛି l କିଛି ଦିନ ତଳେ ଆର.ଉଦୟଗିରି ନିକଟରେ ପରିବହନ ମନ୍ତ୍ରୀ ବିଭୁତି ଭୂଷଣ ଜେନା ଗୋରୁ ଚାଲାଣ ରୋକିବା ସହ ଗୋରୁ ଚାଲାଣ ରୋକିବାକୁ ପୋଲିସ କୁ ନିର୍ଦେଶ ଦେଇଥିଲେ l