ଗଞ୍ଜାମ, ବୁଗୁଡ଼ା ( ବିପ୍ଲବୀ ପରିକ୍ରମା ):- ଗଞ୍ଜାମ ଜିଲ୍ଲା ପୋଲସରା ନିର୍ବାଚନ ମଣ୍ଡଳୀର ବୁଗୁଡା ଶହର ସ୍ତିତ ମିନାବଜାର ପଡିଆ ଠାରେ ଆଜି ବିଜୁ ଜନତା ଦଳର ଏକ ନିର୍ବାଚନୀ ସଭା ଅନୁଷ୍ଠିତ ହୋଇଯାଇଛି । ଏହି ସଭାରେ ଆମ ଓଡିଶା ନବୀନ ଓଡିଶା ଅଧ୍ୟକ୍ଷ ଭିକେ ପାଣ୍ଡିଆନ୍ ଯୋଗଦେଇ ବିଜେଡିର ଆସିକା ଲୋକସଭା ଆସନ ଏବଂ ପୋଲସରାର ବିଧାନସଭା ଆସନ ପାଇଁ ଯଥାକ୍ରମେ ରଞ୍ଜିତା ସାହୁ ଏବଂ ଶ୍ରୀକାନ୍ତ ସାହୁଙ୍କ ପାଇଁ ଭୋଟ ଭିକ୍ଷା କରିବା ସହ, ପୋଲସରା ନିର୍ବାଚନ ମଣ୍ଡଳୀରେ ୫୦ କୋଟି ଟଙ୍କା ର ବିକାଶ ହୋଇଥିବା କଥା କହିଥିଲେ |
ଏଥର ଯୋଡି ଶଙ୍ଖରେ ଭୋଟ ଦେଇ ଉଭୟ ସାସଂଦ ଏବଂ ବିଧାୟକ ପ୍ରାର୍ଥୀଙ୍କୁ ଜୟଯୁକ୍ତ କରିବାକୁ ଉପସ୍ଥିତ ଜନ ସାଧାରଣଙ୍କୁ ନିବେଦନ କରିଥିଲେ ।ଓଡିଶା ରେ ନବୀନ ଗ୍ୟାରେଣ୍ଟି କାମ କରିବା ସାଙ୍ଗକୁ ସମସ୍ତ ଲୋକସଭା ଓ ବିଧାନସଭା କ୍ଷେତ୍ରରେ ବିଜେଡି ର ସମସ୍ତ ପ୍ରାର୍ଥୀ ବିଜୟ ଲାଭ କରିବେ ଏବଂ ଷଷ୍ଠ ଥର ଲାଗି ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ହେବେ ବୋଲି ବିଧାୟକ ଶ୍ରୀକାନ୍ତ ସାହୁ କହିଥିଲେ |
ଉକ୍ତ କାର୍ଯ୍ୟକ୍ରମ ରେ ପୋଲସରା ବ୍ଲକ ବିଜେଡି ସଭାପତି ସୁରେନ୍ଦ୍ର ପ୍ରଧାନ, ସମ୍ପାଦକ ଅଶୋକ କୁମାର ବିଷୋୟୀ, ବିଜେଡି ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରତାପ ପ୍ରଧାନ,ବ୍ଲକ ବିଜେଡି ସଭାପତି ମଦନ ଗୋପାଳ ଦୋରା, ଏନଏସି ଅଧକ୍ଷ ଚିତ୍ରସେନ ପ୍ରଧାନ ସମେତ ବିଜେଡି ର ସମସ୍ତ କର୍ମକର୍ତ୍ତା ସହ ୧୦ ହଜାରରୁ ଉର୍ଦ୍ଧ ଜନସାଧାରଣ ଉପସ୍ଥିତ ଥିଲେ l