ସ୍ଵେଚ୍ଛାକୃତ ରକ୍ତଦାନ ଶିବିର ଏବଂ ଚାରା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ
ବାରିପଦା ( ବିପ୍ଲବୀ ପରିକ୍ରମା ):- ୯୬ତମ ଶ୍ରାଦ୍ଧ ଦିବସ ଅବସରରେ ସମାଜ ପକ୍ଷରୁ ବାରିପଦା ଷ୍ଟାଡିୟମ ସମ୍ମିଳନୀ କକ୍ଷ ଠାରେ ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଓ ଗଛ ଚାରା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଆୟୋଜିତ ଏହି କାର୍ଯ୍ୟକ୍ରମ କୁ ମୁଖ୍ୟ ଅତିଥି ଭାବେ ମୟୂରଭଞ୍ଜ ମହାରାଣୀ ରଶ୍ମି ରାଜ୍ୟଲକ୍ଷ୍ମୀ ଭଞ୍ଜଦେଓ,ଅବସରପ୍ରାପ୍ତ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡାଃ କୈଳାଶ ଚନ୍ଦ୍ର ମହାନ୍ତି ଏବଂ ବରିଷ୍ଠ ସାମ୍ବାଦିକ ତଥା ସାହିତିକ ଗବେଷକ ବିଜୟ ଅଗ୍ରୱାଲ ଯୋଗଦେଇ ଶିବିରକୁ ଶୁଭ ଉଦଘାଟନ କରିଥିଲେ।
ତେବେ ବର୍ତ୍ତମାନ ବନମହୋତ୍ସବ ସପ୍ତାହ ଚାଲୁ ଥିବାରୁ ଏହି ରକ୍ତଦାନ ଶିବିରରେ ସମସ୍ତ ରକ୍ତଦାତା ଙ୍କୁ ଗୋଟିଏ ଲେଖାଏଁ ଗଛ ଚାରା ପ୍ରଦାନ କରାଯାଇଥିବା ବେଳେ ସମାଜ ପରିବାର ପକ୍ଷରୁ ସମସ୍ତ ରକ୍ତଦାତା ଙ୍କୁ ସାଧୁବାଦ ଓ କୃତଜ୍ଞତା ଜଣାଇଛନ୍ତି ସମାଜ ଜିଲ୍ଲା ପ୍ରତିନିଧି ଅକ୍ଷୟ କୁମାର ଅଗ୍ରୱାଲ।ତେବେ ଆଗକୁ ସମାଜ ପକ୍ଷରୁ ଏଇଭଳି ରକ୍ତଦାନ ଶିବିର ଜାରି ରଖିବାକୁ ନିବେଦନ କରିଛନ୍ତି ରକ୍ତଭଣ୍ଡାର ଅଧିକାରୀ ଡାଃ ସୌମ୍ୟରଂଜନ ନାୟକ।