କେନ୍ଦୁଝର ( ବିପ୍ଲବୀ ପରିକ୍ରମା ଡିଜିଟାଲ ):- କେନ୍ଦୁଝର ଜିଲ୍ଲା ବଡବିଲ ଥାନା ଅନ୍ତର୍ଗତ ସହରର ନିଉ ମାର୍କେଟରେ ଥିବା ପୁରାତନ ହନୁମାନ ମନ୍ଦିରର ହନୁମାନଙ୍କ ମୂର୍ତ୍ତିକୁ ଗତ ରାତିରେ ଦୁର୍ବୃତ୍ତ ମାନେ ଭାଙ୍ଗି ଦେଇଥିବା ଜଣା ପଡିଛି। ଆଜି ସକାଳୁ ପାଖ ଘର ଲୋକେ ଉଠି ମୂର୍ତ୍ତି ଭାଙ୍ଗିଥିବା ଦେଖି ଅନ୍ୟ ଲୋକଙ୍କୁ ଜଣାଇଥିଲେ। ସୂଚନା ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଭଙ୍ଗା ହନୁମାନ ମୂର୍ତ୍ତିକୁ ଜବତ୍ କରି ଥାନାକୁ ନେଇ ଯାଇଛନ୍ତି। ଏହି ଘଟଣାକୁ ନେଇ ସେଠାରେ ସାମାନ୍ୟ ଉତ୍ତେଜନା ଦେଖା ଯାଇଥିବା ବେଳେ ବଡବିଲ ଏସଡିପିଓ ଘଟଣା ସ୍ଥଳରେ ପହଞ୍ଚି ପାରିପାର୍ଶ୍ବିକ ସ୍ଥିତି ଅନୁଧ୍ୟାନ କରିବା ସହ ତଦନ୍ତ ଆରମ୍ଭ କରିଥିବା ଦେଖା ଯାଇଛି।