ସୁବର୍ଣ୍ଣପୁର ( ବିପ୍ଲବୀ ପରିକ୍ରମା ):- ବରାହ ଶିକାର ପାଇଁ ବିଛା ଯାଇଥିବା ବିଦ୍ୟୁତ ତରରେ ଲାଗି ନାବାଳକ ପୁଅ ଓ ପୁତୁରା ମୃତ ବାପା ଆହତ ହୋଇଛି l ଦୁର୍ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ଅନ୍ତର୍ଗତ ହାତିଲିମୁଣ୍ଡା ଜଙ୍ଗଲରେ l ମୃତ ଦୁଇ ଜଣନାବାଳକ ହେଲେ ସିଂହପାଲି ଗାଁର ନବୀନ ଡୁଙ୍ଗଡୁଙ୍ଗଙ୍କ ପୁଅ ଜିତ ଡୁଙ୍ଗ ଡୁଙ୍ଗ (14 ବର୍ଷ ) ଏବଂ ବଡ଼ୁ ପୁଅ (ପୁତୁରା ) ରମେଶ ବୋର୍ଡ ( 14 ବର୍ଷ ) l ଗତକାଲି ବିଳମ୍ବିତ ରାତ୍ରିରେ ଏହି ଅଘଟଣ ଘଟିଥିବା ଜଣାଯାଇଛି l ଗାଁ ପାଖ ହାତିଲିମୁଣ୍ଡା ଜଙ୍ଗଲରେ ବରାହ ଶିକାର ପାଇଁ ବିଛା ଯାଇଥିବା ବିଦ୍ୟୁତ ତାରରେ ଉଭୟ ନାବାଳକ ଲାଗିଯାଇଥିଲେ l ପାଖରେ ଥିବା ନବୀନ ଉଭୟଙ୍କୁ ଉଦ୍ଧାର କରିବାକୁ ଯାଇ ଆହତ ହୋଇଥିବା ଜଣାଯାଇଛି l ଆହତ ନବୀନ ଉଲୁଣ୍ଡା ଡାକ୍ତରଖାନରେ ଚିକୁତ୍ସାଧୀନ ଅଛନ୍ତି l ସେପଟେ ମୃତ ଦୁଇ ନାବାଳକଙ୍କ ଶଵକୁ ଜବତ କରି ଉଲୁଣ୍ଡା ପୋଲିସ ତଦନ୍ତ ଆରମ୍ଭ କରିଛି l ତେବେ କେଉଁଭଳି ପରିସ୍ଥିତିରେ ଏଭଳି ଏକ ଅଘଟଣ ଘଟିଲା ତାହା ତଦନ୍ତ ପରେ ଜଣାପଡିବବୋଲି ଉଭୟ ବନ ବିଭାଗ ଓ ପୋଲିସ ସୂଚନା ଦେଇଛି l